Inatsisartut inatsisaanni nr. 5 19. maj 1979-imeersumi, kingullermik inatsisartut inatsisaatigut nr. 3 5. juni 1986-imeersutigut allanngortinneqarsimasukkut, makku allannguutigineqassapput:

§ 1.

1. Nutaatut § 25 B-tut ivertinneqassaaq:
"Pappiaqqat nalillit il.il. § 14, imm. 2 - 3-mi taaneqartut pigisallu, akileraartussaasup inuussutissarsiummigut pissarsiarisimasai atorsimasaaluunniit imaluunniit iluanaarniarnermigut pissarsiarisimasai, takuuk § 24, nr. 2, kingusinnerpaamik tunineqarsimasutut isigineqassapput § 1 imaluunniit § 2, imm. 1 naapertorlugu akileraartussaanerup taamaatinnerani.
Imm. 2. Immikkoortoq 1 naapertorlugu tunineqarneranni akiusutut isigineqassaaq akileraartussaanerup taamaatinnerani nalinginnaasumik niuernermi nalingat."

2. § 30 ima allanngortinneqassaaq:
"Iluanaarutinit akileraarutit unerartinneqassapput. § 70-imiit § 73-imut aalajangersakkat naapertorlugit.

3. § 70, imm. 1-imi oqaaseqatigiit siulliit ima allanngortinneqassapput:
"Piginneqatigiiffimmi aktieselskabimi aktietigut iluanaarutit, tamatumani ilanngullugit piginneqatigiffimmi anpart.sselskabimi, Kalaallit Nunaanniittutut nalunaarsorneqarsimasumi iluanaarutit., tunniunneqarnissaasa imaluunniit pisassanngortinneqarnissaasa aalajangiunneqarnerisigut tamatigut, piginneqatigiiffiup kommunemini akileraarfimmini, takuuk § 33, akileraarusiissut tamaat, takukkit § 27-imiit § 29-imut., qaammatisiutit malillugit. ukiumi iluanaarutisiffimmi, unerartittassavaa."

4. § 82, imm. 4 ima allanngortinneqassaaq:
"Iluanaarutisianit akileraarutit landskassep, kommunep akileraarfiup kommunellu pisassavaat imm. 1-imiit 3-mut. aalajangersakkat naapertorlugit."

5. § 119, imm. 2, nr. 1 aamma 2 ima allanngortinneqassapput.:
"Imm. 2. Danmark-imik, Savalimmiunik naalagaaffinnilluunniit allanik isumaqatigiissuteqaqatigiitsillugu Naalakkersuisut aalajangersakkanik makkunannga aalajangersaasassapput,
1) qallunaat, savalimmiormiut imaluunniit naalagaaffiup allap pineqartup akileraarusiineranni, akitsuusiineranni akiligassiinerannilu atugassanik Kalaallit. Nunaanni oqartussaasut paasissutissanik piniarlutillu paasissutissiisarnissaannik,
2) akileraarutit, akitsuutit akiligassallu, Danmark-imi, Savalimmiuni naalagaaffimmiluunniit allami pineqartumi piniarneqartut, tassanilu akilersinniarneqarsinnaasut Kalaallit Nunaanni akilersinniarneqarnissaannik, Kalaallit Nunaanni akileraarutinik akitsuutinik akiligassanillu akiliisitsiniartarnermi maleruagassat naapertorlugit".

§ 2.

Inatsisartut inatsisaat ingerlaannaq atuutilissaaq.
Imm. 2. §1, nr. 2, 3 aamma 4 1. januar 1989-imiit atuutilissapput.

Namminersornerullutik Oqartussat oktoberip 17-iat 1988

Jonathan Motzfeldt

/

Emil Abelsen