Kalaallit Nunaanni pinngortitamik allangutsaaliuineq pillugu Inatsisartut inatsisaanni nr. 11 12. november 1980-imeersumi § 2 naapertorlugu aa,mma puisit ilaasa piaraasa amiisa aamma taakkuninnga nioqqutissiat nunanut niueqatigiinnut eqquimeqarnissaat pillugu rådip peqqussutaa (EØF) nr. 83/129 28. marts l983-imeersoq innersuussutigalugu imaattut aalajangersarneqarput:

§ 1. Puisit ilaasa piaraannit (aataat aamma natsersuit) nioqqutissiat ilanngussaq 1-imi taaneqartut inuutissarsiutiginissaat siunertaralugu eqqunneqassanngillat.

§ 2. § 1-imi aalajangersakkami pineqartut taamaallaat tassaapput nioqqutissiat Inuit qangaaniilli puisinniartamerannit pinngorfeqartuunngitsut. Taamaalilluni aalajangersakkami nioqqutissiat Kalaallit Nunaanneersut pineqanngillat.

§ 3. Allatigut puisit ilaasa piaraasa amiisa il.il. eqquteqqusaannginnerat pillugu. Miljøministeriap nalunaarutaa nr. 185, 11.maj 1983-imeersoq atortuussaaq.

§ 4. § 1-imik unioqqutitsineq mianersoqqusinermik akiliisitsinermilluunniit pillaateqartinneqassaaq, tak. Kalaallit Nimaamii pinngortitamik allanngutsaaliuineq pillugu Inatsisartut inatsisaanni § 19, sakkortunerusumik pillarneqarnissaq inatsit alla naapertorlugu pisuussutigineqarsimanngippat.

§ 5. Nalunaarut erniinnaq atortuulerpoq.
Imm. 2. Puisit ilaasa piaraasa amiisa aamma taakkuninnga nioqqutissiat nunanut niueqatigiinnut eqqunneqamissaat pillugu rådip peqqussutaa (EØF) nr. 83/129 28. marts 1983-imeersoq 1. oktober 1985 nallertinnagu atorunnaarsinneqassagaluarpat imalunniit allanngortinneqassagaluarpat nalunaarut nutarterneqassaaq.

Namminersornerullutik Oqartussat, 18. november 1983

Jonathan Motzfeldt

/

John E.Jensen

Ilanngussaq