Nunamik atuineq, nuna tamakkerlugu pilersaarusiorneq aamma illoqarfimmik pilersaarusiorneq illuliortiternerlu pillugit landstingip neqqussutaani nr. 12.februar 1981-imeersumi § 2, stk. 3 naapertorlugu nuna tamakkerlugu nilersaarusiornermut udvalgip suleriaasissaa pillugu malittarisassat imaattut aalajangerneqarput:

§ 1. Udvalgip ilaasortarissavai siulittaasoq landstingimit toqqarneqartussaq, aamma ilaasortat allat 4, taakkunannga ilaasortat 2 landstingimit toqqarneqassallutik, ilaasortaq 1 Kalaallit Nunaanni kommuneqarfiit Kattuffiannit aamma ilaasortaq 1 Kalaallit Nunaannut ministerimit. Ilaasortat taakkununngalu sinniisussat ukiunut 4-nut toqqarneqassaoput.
Imm. 2. Udvalgimut atatinneqarsinnaanut siulersuiffinnit, pisortaqarfinnit udvalgip sinniisuuffigisaanut atasunit, ataatsimeeqataasartussat.

§ 2. Nuna tamakkerlugu pilersaarusiornermut udvalge ataatsimiittassaaq qaqugukkulluunniit siulittaasup aalajangeraangagu, imaluunniit udvalgimi ilaasortat 2 ataatsimiikkumappata, kiisalu ikinnerpaamik ukiumut marloriarluni.
Imm. 2. Udvalgip ataatsimiinnissaanut piffissaq sumiiffissarlu siulittaasun aalajangertassavai.
Imm. 3. Allakkatigut ataatsimiigiaqqusineqartassaaq sivikinnerpaamik sapaatip akunnerinik 3-nik sioqqutsilluni kalerriilluni. Taamaattoq pissutsini immikkut ittuni   sivikinnerusumik sioqqutsilluni kalerriilluni ataatsimiigiaqqusineqarsinnaavoq, taamaassappallu tamanna nalunaarasuarnikkut pissalluni ullormut oqaluuserisassat nalunaarlugit.
Imm. 4. Allakkiat il.il. suliassat oqaluuserineqarnissaannut pisariaqartut ataatsimiinnermi oeqataasussanut nassiunneqassapput, taamalu peqataasussat taakku tigusimassallugit ataatsimiinnissat tamaasa sauaatip akunneranik ataatsimik sioqqullugit. Allakkiat ataasiakkaat  kalaallisut qallunaatullu saqqummersimassapput.
Imm. 5. Udvalgimi ilaasortaq pisinnaannginnerani immikkutakuersinertaqanngitsumik sinniisussaq taarsiutissaaq.

§ 3. Udvalgi aalajangiisinnaassuseqassaaq inatsisit naapertorlugit ataatsimiigiaqqusineqarsimagaluartoq ilaasortat 3 kisimik aggerpata, sinniisuuffigalugit pisortaqarfiit toqqaasimasut ikinnerpaamik 2. Aalajangiinerup akuerineqarnissaanut ilaasortat 3 isumaqataanissaat piumasarineqarpoq.

§ 4. Nuna tamakkerlugu pilersaarusiornermut udvalgip aalajangiineri inissutissaauput.
Imm. 2. Nuna tamakkerlugu oilersaarusiornermut udvalgi tigusaqarnerup kingornatigut kingusinneroaamik qaammatit 4 qaangiuppata oqaaseqartussaavoq illoqarfinnik pilersaarutit kommunalbestyrelset pilersissimasaat pillugit aammalu assuarliutini landstingip peqqussutaani § 28 naapertorlugu udvalgimut suliassanngortinneqarsimasuni aalajangiisassalluni. Taamaattoq akuersissutit imaluunniit qinnuteqaatinut itigartitsissutit tunngavissalersorneqarsimasut landstingip peqqussutaa naapertorlugu nuna tamakkerlugu pilersaarusiornermut udvalgimit aalajangiiffigineqartut, tigusaqarnerup kingornatigut kingusinnerpaamik qaammatit 4 qaangiuppata tunniunneqassapput.
Imm. 3. Piffissaliussaq stk. 2-mi eqqartorneqartoq eqqortinneqarsinnaanngippat, piffissaliussap naanissaa sioqqullugu attuumassuteqartunut soqutiginnittunut udvalgip tamanna nalunaarutigissavaa aammalu kinguartoornermut oissutaasoq nalunaarutigalugu.

§ 5. Siulittaasup aalajangersinnaavaa suliassaq immikkut   ittumik tuaviuuttariaqartoq nassiunneqassasoq ilaasortat akornanni allakkatigut suliassanngorlugu. Taamaassappat suliassami tassani siunnersuutertik ilaasortat allaganngorlugu tunniutissavaat. Suliassat suliarineqarnissaat  pillugu malittarisassat taaneqarsimasut uissutsini taakkunani aamma atortuussapput, allaassuteqartillugit periaatsip taassuma immikkut ittup nassatarisaanik.
Imm. 2. Suliassat allaganngorlugit suliarineqarsimasut tamarmik ataatsimiinnermi tullermi ilisimatitsissutitut saqqummiunneqassapput.

§ 6. Siulittaasup udvalgi sinnerlugu suliassat ingerlaannartut suliarissavai aammalu udvalgip aalajangiinerisa ingerlanneqarnerat nakkutigissallugu.

§ 7. Siulittaasoq udvalgi sinnerlugu aalajangiisinnaavoq landstingip peqqussutaani § 4, stk. 2 naapertorlugu, suliassaq tunngappat illuliornermut § 4, stk. 3-mi eqqartorneqartumut atasumut imaluunniit nunap savaateqarnermut atorneqarnissaanut tunngappat.
Imm. 2. Siulittaasup udvalgi sinnerlugu aalajangiiffigisinnaavai assuarliutit tuaviuuttariaqartut aammalu tunngavissaliiniarnertut pissuseqanngitsut.
Imm. 3. Siulittaasup udvalgi sinnerlugu aalajangiiffigisinnaavaa najukkami pilersaarummut siunnersuut, udvalgip akuerisassaatut kommunalbestyrelsemit nassiunneqarsimasoq, unanaatsorsuutigalugu, najukkamut pilersaarut suliarineqarsimasoq atuinissamik oilersaarut aammalu killissamik allaaserisaq nuna tamakkerlugu pilersaarusiornermut udvalgip akuerisimasai tunngavigalugit imaluunniit najukkami pilersaarummut siunnersuutip suliarinissaa pillugu killissarititaagallartut nuna tamakkerlugu pilersaarusiornermut udvalgip akuerisimasai allat tunngavigalugit.
Imm. 4. Suliassat allat tamarmik, paragraf manna naapertorlugu siulittaasumit suliarineqarsimasut, udvalgip ataatsimiinnerani tullermi ilisimatitsissutitut saqqummiunneqassapput.
Imm. 5. Paragraf manna naapertorlugu siulittaasup  aalajangersimasaa ilaasortaq kialuunniit piumasarisinnaavaa udvalgimi misilinneqassasoq.

§ 8. Udvalgip aalajangissavaa ilaasortaq suliassami inuttut ima soqutigisaqarnersoq, udvalgip oqaluuserinninnerani aammalu suliassaq pillugu taasinermi peqataaqquneqassanani. Taamaassappat ilaasortaq taassuma isumaqatigiinniarnermi aammalu suliassaq pillugu taasinermi ini qimassimassavaa, kisianni ajornartinneqassanani udvalgip isumaqatigiinniarnerani aammalu manna pillugu taasinermi peqataanissamut, suliassap pineqartup oqaluuserineqarnerani inini qimassaneraa.
Imm. 2. Udvalgip aalajangissavaa, taamaassappat ilaasortap pineqartup sinniisussaata ilaasortap peqataasussaanngitsup inaa tigussaneraa suliassap oqaluuserineqarnerani.

§ 9. Kinaluunniit udvalgip suliassaasa oqaluuserineqarnerini peqataasoq akisussaatitaavoq aalajangersakkat sukkulluunniit atortuusut malillugit pisortatigut kiffartuuteqarnermi imaluunniit suliassaqartitaanermi pinerluttuliorneq pillugu, pisussaatitaagami nipangersimasussaatitaanerup atatiinnarnissaanut pissutsit taama iliornikkut ilisimalersimasani pillugit, aammalu suliassap pissusia  malillugu pissutsit isertuunneqarnissaat pisariaqarpat imaluunniit isertuussinissamut siulittaasumit peqquneqarsimaguni. Atorfimmit tunuaraanni nipangersimasussaatitaaneq atorunnaassanngilaq.

§ 10. Uuma nalunaarutip atortuulernera peqatigalugu Nuna tamakkerlugu pilersaarusiorermut udvalgip suleriaasissaa 25. april 1979-imeersoq atorunnaarsinneqarpoq.

Namminersornerullutik Oqartussat, ulloq 21. april 1981

Jonathan Motzfeldt

/

Gunnar Martens