|
|
||
|
|
http://www.nanoq.gl/Emner/Landsstyre/ Kundegoerelse_Lovgivning/2012.aspx-imi ulloq 3. december 2012-mi saqqummersinneqartoq |
|
|
|
||
Greenland Oil Spill Response A/S pillugu inatsisartut inatsisaata allanngortinneqarnissaa pillugu Inatsisartut inatsisaat nr. 22, 3. december 2012-meersoq
(§ 11, imm. 4-mi Inatsisip kalaallisut oqaasertaanut naqqiut)
§ 1
Greenland Oil Spill Response A/S pillugu Inatsisartut inatsisaat nr. 4, 4. juni 2012-meersoq imatut allanngortiterneqarpoq:
1. § 11, imm. 4, imatut oqaasertaliorneqarpoq:
”Imm. 4. Imm. 2 naapertorlugu Naalakkersuisut naammaginartumik nakkutiginnissinnaaqqullugit paasissutissat pisariaqartinneqartut tamaasa pisinnaatitaaffeqartut ingerlatseqatigiiffiillu nalunaarutigissavaat. Naalakkersuisut Inatsisartut inatsisaanut ilaasumik nakkutiginninnerup naammassiniarnissaanut, Naalakkersuisut pisariaqartitaannik taamatullu ilusilimmik ingerlatseqatigiiffiit pisinnaatitaaffinnillu pigisaqartut paasissutissanik tunniusseqqullugit peqqussinnaavaat.”
§ 2
Inatsisartut inatsisaat manna ulloq 1. december 2012 atuutilerpoq.
Kalaallit Nunaanni Namminersorlutik Oqartussat, ulloq 3. december 2012
Kuupik Kleist