Aalisarnermut aningaasaliissutinut immikkoortitat pillugit Inatsisartut inatsisaata allanngortinnera pillugu Inatsisartut inatsisaat nr. 8, 3. december 2012-imeersoq
(Isaterinermi aalisarsinnaanermik akuersissutip atorunnaarsinneqarnissaanik malittarisassap pingaarnerup pinngitsoortinneqarsinnaanera)

 

§ 1

Aalisarnermut aningaasaliissutinut immikkoortitat pillugit Inatsisartut inatsisaat nr. 15 20. november 2006-imeersoq, ilaatigut Inatsisartut inatsisaannik nr. 13 2. december 2009-imi allanngortinneqartumi kingullermillu Inatsisartut inatsisaannik nr. 22 22. november 2011-imi allanngortinneqartumi imatut allannguisoqarpoq:

1. § 16 imm. 2-p kingorna imm. 3-tut ikkunneqassaaq:
”Imm. 3. § 16 imm. 2-mi oqaaseqatigiit siulliit atuutissanngillat aalisartut marluk amerlanerilluunniit ataatsimut angallatiminnut isaterinissamut tapiissutinik qinnuteqaateqarsimappata, ilutigalugulu angallammik nutaamik ataatsimik (1) ataatsimoorlutik pissarsiniarnermut tapiissutinik qinnuteqaateqarsimappata. 

2. § 16 imm. 3-p kingorna imm. 4-tut ikkunneqassaaq:
”Imm. 4.Imm. 3 malillugu isaterinissamut tapiissut taamaallaat isaterivinnernut aningaasaliissutigineqartassapput.”

 

§ 2

Inatsisartut inatsisaat atuutilissaaq 1. juli 2012.

Namminersorlutik Oqartussat, ulloq 3. december 2012.

Kuupik Kleist

---

Siunnersuummut nassuiaatit

Isumaliutissiissut (Aappassaaneerinninneq)