Raajanut akitsuutit pillugit Inatsisartut inatsisaata allanngortinne­qarneranik Inatsisartut inatsisaat nr. 24, 22. november 2011-meersoq.
(Akitsuusigassat ilaanneeriarlutik allanngortarnerat)

 

§ 1

Raajanut akitsuutit pillugit Inatsisartut inatsisaanni nr. 20, 25. oktober 1990-imeersumi, Inat­sisartut inatsisaatigut nr. 4, 30. november 2009-meersukkut kingullermik allanngortinneqartu­mi makku allannguutigitinneqarput:

1. § 2, imm. 1ima oqaasertaqarpoq:
”Raajat § 1-imi taaneqartut akiinit akitsuummut akiliisoqartassaaq, takuulli § 3. Nu­nanut allanut nioqquteqartup Kalaallit Nunaanniit Kalaallit Nunaata avataani apuuffissaannut assartuinermi aningaasartuutit ilanngutinngippagit, tunisinermi aki raajanut akitsuusigassanut kiilumut 1 kr.-imik qaffanneqassaaq.”

2. § 4, imm. 2-mi ”kiilumut akiat” kingornagut ivertinneqassaaq: ”, § 2, imm. 1, oqaaseqatigiit aappaat naapertorlugu qaffaataajunnartunik ilasaq”

 

§ 2

Inatsisartut inatsisaat 1. januar 2012-imi atortuulissaaq.

Kalaallit Nunaanni Namminersorlutik Oqartussat, ulloq 22. november 2011

Kuupik Kleist

---

Siullermeerinninnermut siunnersuut

Siunnersuummut nassuiaatit

Isumaliutissiissut (Aappassaaneerinninneq)

Aappassaaneerinninnermut allannguutissatut siunnersuut (akuerineqartoq)

Ilassutitut Isumaliutissiissut (Aappassaaneerinninneq)