Aalisarneq pillugu Inatsisartut inatsisaata allanngortinnera pillugu Inatsisartut inatsisaat nr. 8, 22. november 2011-imeersoq
(Piginnittuunermut tunngasut kiisalu pisassiissutit qaffasinnerpaaffissaannik killiliinerup allanngortinnissaat)

 

§ 1

Inatsisartut inatsisaanni nr. 18, 31 oktobari 1996-imeersumi, Inatsisartut inatsisaatigut nr. 6, 20. maj 1998-meersukkut allanngortinneqartumi, Inatsisartut inatsisaatigut nr. 15, 12. november 2001-meersukkut allanngortinneqartumi kiisalu kingullermik Inatsisartut inatsisaatigut nr. 17, 3. decembari 2009-meersukkut allanngortinneqartumi uku allanngortinneqarput:

1. § 6 imm. 3 nr. 4, § 6 imm. 4 nr. 3 kiisalu § 6 imm. 5 nr. 2 aamma 3 atorunnaarput.

2. § 15 imm. 4 imatut oqaasertaqassaaq:
”Imm. 4. Suliffeqarfiit inuilluunniit ataasiakkaat pisassiissutinit pigisanik pisinikkut sinerissap qanittuani aalisariutit immikkoortuini killilersuiffigineqartumi 15 %-init amerlanerusunik pisassiissutinit pigisaqalersinnaanngillat.”

 

§ 2

Inatsisartut inatsisaat una atuutilerpoq ulloq 1. januar 2012.

Namminersorlutik Oqartussat, ulloq 22. november 2011. 

Kuupik Kleist

---

Siunnersuummut nassuiaatit

Isumaliutissiissut (Aappassaaneerinninneq)