|
|
||
|
|
www.nanoq.gl-imi ulloq 18. april 2011-mi saqqummersinneqartoq |
|
|
|
||
Nioqqutissanik eqqussuineq annissuinerlu pillugit Inatsisartut inatsisaata allanngortinneqarneranik Inatsisartut inatsisaat nr. 5, 15. april 2011-imeersoq
(Imaani uuliasiorfinnut il.il. nunaviup toqqavianiittunut akitsuuteqanngitsunik nioqquteqarneq)
§ 1
Nioqqutissanik eqqussuineq annissuinerlu pillugit Inatsisartut inatsisaanni nr. 18, 30. oktober 1992-imeersumi, Inatsisartut inatsisaatigut nr. 12, 21. maj 2010-meersukkut kingullermik allanngortinneqartumi una allanngortinneqarpoq:
1. § 18, imm. 3-tut ilanngunneqassaaq:
”Imm. 3. Tunisassiorfiit, imaani uuliasiorfiit aamma sanaartukkat allat, matumani ilanngullugit ruujorit tamakkununngalu sanaartukkat attuumassutillit, umiarsuit kiisalu atortut allat, imaatigut killeqarfiup iluani kiisalu Kalaallit Nunaata toqqaviata iluani aatsitassanik misissueqqaarnermut, misissuinermut piiaanermulluunniit atorneqartut, nioqqutissanik akitsuuteqanngitsunik taquassarsisinneqarsinnaanerat pillugu maleruagassanik Naalakkersuisut aalajangersaasinnaapput.”
§ 2
Inatsisartut inatsisaat ulloq 1. maj 2011-mi atortuulissaaq.
Kalaallit Nunaanni Namminersorlutik Oqartussat, ulloq 15. april 2011
Kuupik Kleist
Isumaliutissiissut (Aappassaaneerinninneq)