Qaasuitsup Kommuniani imigassanik aalakoornartortalinnik nioqquteqartarneq sassaallertarnerlu pillugit Namminersorlutik Oqartussat nalunaarutaat nr. 5, 4. marts 2011-meersoq

Imigassanik aalakoornartortalinnik nioqquteqartarneq sassaallertarnerlu pillugit Inatsisartut inatsisaanni nr. 11-mi, 11. november 2000-meersumi, Inatsisartut inatsisaata allanngortinneratigut Inatsisartut inatsisaatigut nr. 3-kkut, 31. maj 2001-imeersukkut allanngortinneqartumi, § 26, imm. 1, nr. 2, aamma § 27, imm. 3, malillugit aalajangersarneqarput: 

 

Atuuffii

§ 1.  Nalunaarut Qaanaamut aamma nunaqarfinnut Qeqertanut, Savissivimut, Siorapalummut, Aappilattumut, Kangersuatsiamut, Kullorsuarmut, Innaarsunnut, Naajaanut, Nuussuarmut, Tasiusamut, Nutaarmiunut aamma Upernavik Kujallermut atuuppoq.

Imarisai pingaarnerit

§ 2.  Qaanaami kiisalu nunaqarfinni Qeqertani, Savissivimmi aamma Siorapalummi imigassanik 15 procentitut, taannaluunniit sinnerlugu, kimittutigisumik aalakoornartortalinnik nioqquteqartarneq sassaallertarnerlu inerteqqutaapput.

§ 3.  Nunaqarfinni Aappilattumi, Kangersuatsiami, Kullorsuarmi, Innaarsunni, Naajaani, Nuussuarmi, Tasiusami, Nutaarmiuni aamma Upernavik Kujallermi kingorna nassiunneqartussanik inniminneereernikkut imigassanik kimittuunik kimikitsunillu taamaallaat nioqquteqartoqarsinnaavoq. Nassiussineq Upernavimmiit imaluunniit Kalaallit Nunaanni illoqarfimmit allamiit pissaaq. Imigassat pisiariniakkat pisiniartumut toqqaannartumik imaluunniit nunaqarfimmi pisiniarfik aqqutigalugu tunniunneqassapput.
Imm. 2.  Imigassanik siuningaaniit inniminnikkanik tunniussineq taamaallaat pisinnaavoq, imigassanik aalakoornartortalinnik nioqquteqartarneq sassaallertarnerlu pillugit sukkulluunniit Inatsisartut inatsisaanni atuuttumi nioqquteqarnissamut piffissaliussat aalajangersakkat iluini.

Pineqaatissiissutit

§ 4.  §§-inik 2-3-mut unioqqutitsisoqartillugu pineqaatissiissummik akiliisitsisoqarsinnaa­voq.

Atortuulersinneqarnera

§ 5.  Nalunaarut ulloq 4. marts 2011 atortuulersinneqarpoq.
Imm. 2.  Peqatigitillugu Qaanaap Kommuniani imigassanik 15% sinnerlugu aalakoornar­tor­talinnik nioqquteqartannginnissaq sassaallertannginnissarlu pillugit Namminersornerullutik Oqartussat nalunaarutaat nr. 11, 20. juni 2007-imeersoq, kiisalu Kommuneqarfik Upernaviup nunaqarfiini imigassanik aalakoornartulinnik nioqquteqarnerup killiliivigineqarnera pillugu Namminersornerullutik Oqartussat nalunaarutaat nr. 7, 21. marts 2002-meersoq, atorunnaar­sinneqarput.  

Namminersorlutik Oqartussat, ulloq  4. marts 2011

Agathe Fontain

/

Ann Birkekĉr Kjeldsen