07.04.2010

UPA 2010/121

Uunga siunnersuut: Annertuumik innarluutillit ikiorserneqartarnerat pillugu Inatsisartut peqqussutaata allanngortinneqarnera pillugu Inatsisartut peqqussutaat nr. xx, xx. xx 2010-imeersoq
(Innarluutilinnik isumaginninnerup kommuninut nuunneqarnera)

 

§ 1

Annertuumik innarluutillit ikiorserneqartarnerat pillugu Inatsisartut peqqussutaat nr. 7, 3. november 1994-imeersumi, Inatsisartut peqqussutaat nr. 12, 5. december 2008-meersukkut kingullermik allanngortinneqartumi annertuumik innarluutillit ikiorserneqartarnerat pillugu Inatsisartut peqqussutaanni makku allannguutigitinneqassapput:

1. § 2 imatut oqaasertalerneqassaaq:
Ӥ 2. Kommunalbestyrelsip qinnuteqarneratigut Naalakkersuisut akuerisinnaavaat ikiorsiissutit allat, matumani misileraalluni aaqqissuussinerit aamma annertuumik innarluutilinnut isumaginninnermi perorsaanikkut neqeroorutit immikkut ittut ilanngullugit eqqarsaatigalugit, pilersinneqarnissaat.
Imm. 2. Ikiorsiissutit imm. 1-imi taaneqartut Naalakkersuisunit nakkutigineqassapput.”

2. § 7 imatut oqaasertalerneqassaaq:
Ӥ 7. Suut ikiorsiissutigineqarsinnaanerat kommunalbestyrelsip aalajangissavaa.
Imm. 2. Kommunalbestyrelsip assersuutigalugu makku aalajangersinnaavai:
1) iluaqusersuutinik pissarsinissamut ikiorsiineq,
2) tapersersortitut ikiortinik atorfinitsitsinissamut ikiorsiineq,
3) angajoqqaat allalluunniit innarluutillip angerlarsimaffimmi ulluinnarni paaqqutarineqarneranik suliaqartut sulinermikkut ikiorserneqarnermikkullu oqilisaavigineqarnerat,
4) siunnersortimik ikiorteqarnermut ikiorsiineq,
5) innarluutillip inigisaata allanngortinneqarneranut aaqqissuunneqarneranullu ikiorsiineq,
6) qanigisat allallu ilinniartinneqarnerinut, pikkorissartinneqarnerinut il.il. ikiorsiineq, taamaaliornikkut innarluutillip ulluinnarni inuunerata oqinnerulerlunilu pitsaanerulernissaa anguniarlugu,
7) najugaqatigiiffinnik nakkutigineqarlunilu najugaqarfinnik pilersitsinermut ikiorsiineq,
8) ulloq unnuarlu paaqqinnittarfimmiinneq pillugu naalakkersuisunut inassuteqaat, ajornanngippat Kalaallit Nunaanni,
9) innarluutillip angerlarsimaffimmi avataani paaqqinnittarfimmiinneranut atasumik innarluutillip akiliunneqarluni tikeraartinneqarnera imaluunniit feriartinneqarnera, imaluunniit immikkut pisoqartillugu qanigisaasut akiliunneqarlutik feriartinneqarnerat.
10) atuartuunerup naareernerani iliuusissanut pilersaarusiorneq.
Imm. 3. Kalaallit Nunaanni ulloq unnuarlu paaqqinnittarfinnut inissiiffissaqavinngippat, ulloq unnuarlu paaqqinnittarfinnut ineqarfinnulluunniit assingusunut Kalaallit Nunaata avataaniittunut inissiinissaq Naalakkersuisut akuersissutigisinnaavaat.”

3. § 8, imm. 3 imatut oqaasertalerneqassaaq:
”Imm. 3. Pissutsit immikkut ittut pisariaqalersippassuk, kommunalbestyrelsi annertuumik innarluutilinnut biilinik ataatsimut angallassisarnermik aaqqissuussisinnaavoq.”

4. § 10, imm. 3 imatut oqaasertalerneqassaaq:
”Imm. 3. Naalakkersuisut kommunalbestyrelsi najugaqatigiiffinnik nakkutigineqarlunilu najugaqarfinnik pilersitseqqullugu peqqusinnaavaat.”

5. § 11 imatut oqaasertalerneqassaaq:
”§ 11.  Najugaqatigiiffiit ataasiakkaat tunaartarisassaat kommunalbestyrelsip akuerisassavai, tak. imm, 4.
Imm. 2. Kommunalbestyrelsi najugaqatigiiffinnut perorsaanikkut ilitsersuisassaaq.
Imm. 3. Najugaqatigiiffiit ataasiakkaat ingerlanneqarnerisa perorsaanerisalu malittarisassanik tunaartarisassanillu atuuttunik malinninnerat kommunalbestyrelsip nakkutigissavaa.
Imm. 4. Najugaqatigiiffinni najugaqartussanik tigusisarnermi, aqutsinermi, ingerlatsinermi, aaqqissuussinermi perorsaanikkullu sulinermi tunngaviusumik malittarisassat Naalakkersuisut aalajangersassavaat.”

6. § 12 imatut oqaasertalerneqassaaq:
”§ 12.  Nakkutigineqarluni najugaqarfiit ataasiakkaat tunaartarisassaat kommunalbestyrelsip akuerisassavai, tak. imm, 4.
Imm. 2. Nakkutigineqarluni najugaqarfinnut perorsaanikkut kommunalbestyrelsi ilitsersuisassaaq.
Imm. 3. Nakkutigineqarluni najugaqarfiit ataasiakkaat ingerlanneqarnerisa perorsaanerisalu malittarisassanik tunaartarisassanillu atuuttunik malinninnerat kommunalbestyrelsip nakkutigissavaa.
Imm. 4. Nakkutigineqarluni najugaqarfinni najugaqartussanik tigusisarnermi, aqutsinermi, ingerlatsinermi, aaqqissuussinermi perorsaanikkullu sulinermi tunngaviusumik malittarisassat Naalakkersuisut aalajangersassavaat.”

7. § 13 atorunnaarsinneqarpoq.

8. § 16 kingorna ivertinneqassaaq:
“§ 16 a.  Inunnut annertuumik innarluutilinnut ulloq unnuarlu paaqqinnittarfinnut inissinneqarsimasunut kommunit akiliutigisartagaat ullormut unnuamullu ataatsimut akigititaq tunngavigalugu naatsorsorneqassaaq.”

9. § 18 a atorunnaarsinneqarpoq.

10. § 19 atorunnaarsinneqarpoq.

11. § 20 imatut oqaasertalerneqassaaq:
Ҥ 20. Kommunalbestyrelsip peqqussut manna tunngavigalugu annertuumik innarluutillit ikiorserneqarsinnaanermut periarfissanik siunnersorlugillu ilitsersussavai.
Imm. 2. Peqqussut manna tunngavigalugu qinnuteqaateqartarneq, inassuteqaateqartarneq, akuersissuteqartarneq aqutsinerlu pillugit malittarisassat Naalakkersuisut aalajangersassavaat.”

12. § 21 imatut oqaasertalerneqassaaq:
Ӥ 21. Annertuumik innarluutilik Kalaallit Nunaata avataani paaqqinnittarfimmiippat pineqartup kommunitut najugarivisaani kommunalbestyrelsip pineqartup Kalaallit Nunaannut uternissamut periarfissai ukiumut ikinnerpaamik ataasiarluni misissortassavai.
Imm. 2. Angerlatsitsisarneq pillugu malittarisassat erseqqinnerusut Naalakkersuisut aalajangersassavaat.”

13. § 21-p kingornanut ivertinneqassaaq:
“§ 21 a.  Inummut annertuumik innarluutilimmut ulloq unnuarlu paaqqinnittarfimmut kommunimi inissiiffiusumi kommunalbestyrelsip pissutsit inummut annertuumik innarluutilimmut atugassarititaasut nakkutigisussaavai.”

14. § 22 imatut oqaasertalerneqassaaq:
Ӥ 22. Annertuumik innarluutilik peqqussut manna tunngavigalugu ikiorserneqarsinnaanersoq kiisalu ikiorsiissutip suussusissaa annertussusissaalu kommunalbestyrelsip aalajangissavai.
Imm. 2. Peqqussummi pineqartunut kikkut ilaatinneqarnissaannik malittarisassat erseqqinnerusut Naalakkersuisut aalajangersassavaat.”

15. § 23 imatut oqaasertalerneqassaaq:
Ҥ 23. Kommunalbestyrelsip peqqussut manna tunngavigalugu ikiorserneqarnissamik qinnuteqartoq qinnuigisinnaavaa
1) paasissutissat pineqartup qanoq ittumik ikiorsinneqarnissaminut piginnaatitaaffigisaasa aalajangiiviginissaanut pisariaqartinneqartut pissarsiariniarneqarnerannut suleqataaqqullugu, aamma
2) suliap suliarineqarnerata ilaatut nakorsamit misissorteqqullugu imaluunniit misissorneqarniarluni katsorsarneqarniarlunilu uninngasussanngortitaaqqullugu.
Imm. 2. Peqqussut manna tunngavigalugu ikiorserneqarnissamik qinnuteqaatip suliarineqarneranut paasissutissat pisariaqartutut isigisariaqartut, annertuumik innarluutilik sapinngisaq naapertorlugu akuersiseqqaarlugu, annertuumik innarluutillip atugarisaanut tunngasunik ilisimasalinnit allanit imaluunniit annertuumik innarluut pillugu ilisimasalinnit kommunalbestyrelsip aammattaaq paasissutissat pissarsiariniarsinnaavai.”

16. § 24 atorunnaarsinneqarpoq.

17. § 25 imatut oqaasertalerneqassaaq:
Ӥ 25. Peqqussut manna tunngavigalugu ikiorserneqartoq pisussaaffeqarpoq kommunitut najugarivitamini kommunalbestyrelsi inuunermini atukkami allanngornerinik ikiorsiissutigineqartup tamakkiisumik ilaannakortumilluunniit allanngortinneqarneranik atorunnaarnissaanilluunniit kinguneqarsinnaasunik ilisimatissallugu.
Imm. 2. Inuk imm. 1-imi taaneqartutut paasissutissiisussaatitaanerminik eqqortitsinngitsoornermigut imaluunniit ikiorserneqartussaanani nalunngikkaluarlugu peqqussummi matumani aalajangersakkat tunngavigalugit ikiorsiissutinik tigusisimappat ikiorsiissutigineqarsimasut utertillugit akileqqunissaat piumasaqaatigineqarsinnaavoq.
Imm. 3. Tunniunneqarsimasunik imm. 2 tunngavigalugu tiguneqarsimasunik utertitsilluni akiliisarneq pillugu malittarisassat Naalakkersuisut aalajangersarsinnaavaat.”

18. § 25-p kingornanut ikkunneqassaaq:
Ҥ 25 a. Kommunalbestyrelsi pisussaatitaavoq kisitsisitigut paasissutissat il.il. Naalakkersuisut qinnutigisaasa nassiunnissaannut.
Imm. 2. Naalakkersuisut kisitsisitigut paasissutissat il.il. annertussusissaat pillugu malittarisassanik aalajangersaasinnaapput, takuuk imm. 1, aamma taakku qanoq nutarterneqartassanersut nassiunneqartassanersullu.”

19. § 26 imatut oqaasertalerneqassaaq:
Ӥ 26. Peqqussut manna tunngavigalugu aningaasartuutit, kommunalbestyrelsimit akilerneqartassapput.
Imm. 2. Inunnut annertuumik innarluutilinnut ulloq unnuarlu paaqqinnittarfiliornermut ingerlanneqarneranullu Naalakkersuisut tapiissuteqarsinnaapput.”

20. § 27, imm. 2 atorunnaarsinneqarpoq.

21. § 28 atorunnaarsinneqarpoq.

 

§ 2

Inatsisartut peqqussutaat manna 1. juli 2010-imi atuutilersinneqarpoq.

Kalaallit Nunaanni Namminersorlutik Oqartussat, xx.xx. 2010

Kuupik Kleist

/

Maliina Abelsen