30. marts 2010

UPA 2010/120

Peqqussutissatut siunnersuummut oqaaseqaatit

Oqaaseqaatit nalinginnaasut

1. Aallaqqaasiut

Siunnersuut Inatsisartut 2009-mi UKA immikkoortoq 44 pillugu aalajangiinerat tunngavi-galugu saqqummiunneqarpoq, Naalakkersuisut 2010-mi utoqqalinermi pensionisiat pillugit malittarisassanut allannguutissatut siunnersuummik saqqummiissasut, taava utoqqalinermi pensionisiaqartup toqukkut qimagunnerani  katissimasaata inooqatigisimasaataluunniit qaammammi aapparmi toqquiata naanerata kingorna qaammatini marlunni pensionisiassaanik tigusaqartassaaq.

2. Siunnersuummi immikkoortut pingaarnerpaat

Utoqqalinermi pensionisiaqartup toqukkut qimagunnerani pensionisiassaasa tunniunneqartarnissaat

Siunnersuutigineqarpoq, utoqqalinermi pensionisiaqartumik katissimasaminik inooqatigisaminilluunniit toqukkut qimagaasup qaammammi aapparmi toqquiata naanerata kingorna qaammatini marlunni utoqqalinermi pensionisiassaanik tigusaqartassasoq.

3. Pisortanut aningaasatigut allaffissornikkullu kingunerisinnaasai

Utoqqalinermi pensionisiaqartup toqukkut qimagunnerani  katissimasaata inooqatigisimasaataluunniit qaammammi aapparmi toqquiata naanerata kingorna qaammatini marlunni pensionisiassaanik tigusaqartarnissaanut atatillugu aningaasatigut ki-ngunerisinnaasai, aningaasaliissutit iluanniissinnaasut naatsorsuutigineqarpoq.

Siunnersuut pisortanut allaffissornikkut kinguneqarnissaa naatsorsuutigineqanngilaq.

4. Aningaasaqarnikkut allaffissornikkullu inuussutissarsiortunut kingunerisinnaasai

Siunnersuut aningaasatigut kinguneqarnissaa naatsorsuutigineqanngilaq.

5. Avatangiisinut pinngortitamullu kingunerisinnaasai

Siunnersuut avatangiisinut pinngortitamullu kinguneqarnissaa naatsorsuutigineqanngilaq.

6. Allaffissornikkut innuttaasunut kingunerisinnaasai

Siunnersuut allaffissornikkut innuttaasunut kinguneqarnissaa naatsorsuutigineqanngilaq.

7. Allatigut kingunerisinnaasai

Allatigut kinguneqarsinnaanera naatsorsuutigineqanngilaq.

8. Naalagaaffeqatigiinnermut tunngatillugu kingunerisinnaasai

Siunnersuut Naalagaaffeqatigiinnermut tunngatillugu kinguneqarnissaa naatsorsuutigineqan-ngilaq.

9. Oqartussanik kattuffinnillu tusarniaaneq

Siunnersuut ukunani tusarniaassutigineqarpoq: KANUKOKA, Utoqqaat Nipaat,  Aningaasaqarnermut Naalakkersuisoqarfik, Isumaginninnermullu Naammagittaalliuteqartarfik.

Oqartussat kattuffiillu tusarniaanermut uku akissuteqarput:

KANUKOKA:

KANUKOKA-mit siunnersuutigineqarpoq utoqqalinermi pensionisiaqartup toqukkut qimagunnerani katissimasaanut inooqatigisimasaanulluunniit qaammammi utoqqalinersiaqartup toqquiata kingorna qaammatini marlunni tunniunneqartarnerat ingerlaannassasoq. Ilanngullugu KANUKOKAp Kommuneqarfik Sermersuumit ilassuteqaatigineqartut taperserpai, tassalu utoqqalinermi pensionisiaqartup toqunerata kingorna qaammatini marlunni pensionisiaasa tunniunneqarnissaannut periarfissami qimagaasup nammineq utoqqalinermi pensionisiaqarnera killilersuissanngimmat. Qimagaasup qanorluunniit inuussutissarsiornikkut inissisimagaluaruni tamanna pisinnaatitaaffigisariaqarpaa, tassami qimagaasunut tamanut piffissaavoq aqqusaagassaq pissutsinut nutaanut aammattaaq aningaasatigut nalimmassarfiusoq.

Oqaaseqatigineqartut tusaatissatut tiguneqarput. Erseqqissaassutigineqarsimavoq peqqussutissatut siunnersuut utoqqalinermi pensionisiaqartup toqunerata kingorna qimagaasunut tunniussisarnermut tunngammat, taamaalilluni utoqqalinermi pensionisiat qaammatit marluk qaammatip toqquiata kingorna tunniunneqartalissammata, kiisalu qimagaasumut tunniussineq pisassammat, pensionisiaqartuunera apeqqutaatinnagu.

Utoqqaat nipaat

Kattuffik Utoqqaat Nipaat ilassutigineqartumut § 20 imm. 3 tamakkiisumik tapersiivoq. Kiisalu siunnersuutip 1. juli 2010 atuutsinneqalernissaanut.

Kinguliiniittut oqaaseqaateqanngillat

Aningaasaqarnermut Naalakkersuisoqarfik

Kinguliiniittut tusarniaanermi akissuteqanngillat

Isumaginninnermi Naamagittaalliuteqartarfik

 

 

Peqqussutissatut siunnersuummi aalajangersakkat ataasiakkaat pillugit oqaaseqaatit

 
§ 1-mut

Nr. 1-mut

Aalajangersagaq nutaajuvoq. Aalajangersakkap aalajangersarpaa pensionisiaqartup toqukkut qimagunnerani katissimasaata inooqatigisaataluunniit qaammammi aapparmi toqquiata naa-nerata kingorna qaammatini marlunni pensionisiassaanik tigusaqartassasoq.

Aalajangersakkap ilassutigivaa § 20, imm. 1, taava tigusaqartarneq qaammatip tulliuttup naa-nerani unitsinneqassaaq, pensionisiaqarsinnaatitaanermut piumasaqaataasut naammassineqa-runnaarpata.   

Taamaasilluni aalajangersagaq siunnersuutigineqartoq atorneqassanngilaq, pensionisiaqartoq toqukkut qimagunnermini katissimasaqanngippat inoqatigisaqanngippalluunniit.  

§ 2-mut

Peqqussutip 1. juli 2010-mi atuutilersinneqarnissaa siunnersuutigineqarpoq.