1. marts 2010 UPA 2010/97
Inatsisartut peqqussutissaattut siunnersuummut oqaaseqaatit
Nalinginnaasumik oqaaseqaatit1. Aallaqqaasiut
Pujortaqqusinnginneq pillugu Inatsisartut inatsisissaattut siunnersuummik Peqqissutsimut Naalakkersuisoq UPA2010-mut saqqummiussivoq.
Illup iluani nalinginnaasumik pujortaqqusinnginneq illullu iluani pujortartarfimmik pilersitsisinnaanerup kiisalu illup iluani pujortarsinnaanermut ilaannikkuinnaq akuersissuteqartarnerup atorunnaarsinneqarneri siunnersuutikkut piviusunngortinneqassapput.
Tupa avatangiisinillu tupatorfiunngitsunik isumannaarineq kiisalu tupanik nioqqutissat nalunaaqutserneqartarneri pillugit maannakkut inatsisartut peqqussutaanni avatangiisit tupatorfiunngitsut pillugit aalajangersakkat taamaalilluni illup iluani pujortaqqusinnginerup taarsissavai.
2. Siunnersuummi immikkoortut pingaarneritTupa avatangiisinillu tupatorfiunngitsunik isumannaarineq kiisalu tupanik nioqqutissat nalunaaqutserneqartarneri pillugit inatsisartut peqqussutaannut allannguutissatut siunnersuutip peqqussutip taaguutaa allanngortissavaa avatangiisinilu tupatorfiunngitsut pillugit aalajangersakkat atorunnaarsissallugit.
Pujortaqqusinnginneq pillugu inatsisissatut siunnersuutip saqqummiunneqartup taamaalilluni siunnersuut kinguneraa.
Peqqussummi tupa pillugu aalajangersakkat allat, tupanik nioqqutissanik nioqquteqarneq, tupanik nioqqutissanik nalunaaqutsersuineq, tupanik nioqqutissat pilerisaarutigineqarneri aamma aalajangersakkanik unioqqutitsinernut pineqaatissiisarnerit allannguuteqaratik ingerlaqqipput.
3. Inatsiseqarnikkut atuuttutTupa avatangiisinillu tupatorfiunngitsunik isumannaarineq kiisalu tupanik nioqqutissat nalunaaqutserneqartarneri pillugit Inatsisartut peqqussutaanni nr. 5-imi, 3. november 1994-imeersumi pineqartut siullermeersumik aaqqinneqarput. Pujortaqqusinnginneq pillugu malittarisassat 1998-imi, 2000-mi 2004-milu sukaterneqarput. Pineqartoq ullumikkut tupa avatangiisinillu tupatorfiunngitsunik isumannaarineq kiisalu tupanik nioqqutissat nalunaaqutserneqartarneri pillugit Inatsisartut peqqussutaatigut nr. 10-ikkut, 14. november 2004-meersukkut malittarisassaqartinneqarpoq.
4. Pisortanut aningaasaqarnikkut aqutsinikkullu kingunerisassaiSiunnersuut pisortanut aningaasaqarnikkut aqutsinikkullu kinguneqassanngilaq.
5. Inuussutissarsiornermut allanullu aningaasaqarnikkut aqutsinikkullu kingunerisassaiSiunnersuut inuussutissarsiornermut allanullu aningaasaqarnikkut aqutsinikkullu kinguneqassanngilaq.
6. Innuttaasunut aningaasaqarnikkut aqutsinikkullu kingunerisassaiSiunnersuut innuttaasunut aningaasaqarnikkut aqutsinikkullu kinguneqassanngilaq.
7. Avatangiisinut pinngortitamullu kingunerisassaiSiunnersuut avatangiisinut pinngortitamullu kinguneqassanngitsoq naliliisoqarpoq.
8. Naalagaaffeqatigiinnermut namminersornermullu tunngasutSiunnersuut Naalagaaffeqatigiinnermut tunngasunut sunniuteqassanngilaq imaluunniit namminersornerup annertunerulerneranik kinguneqassanani.
9. Oqartussaasunut, kattuffinnut allanullu tusarniaaneqPujortaqqusinnginneq pillugu Inatsisartut inatsisissaattut siunnersuutip saqqummiunneqartup siunnersuut kinguneraa. Avatangiisit tupatorfiunngitsut pillugit maannakkut aalajangersakkat taamaallaat siunnersuutikkut atorunnaarsinneqarput kiisalu inatsisartut peqqussutaata taaguutaa allanngortinneqarluni.
Tassalu inatsisartut peqqussutaata imarisaasa allanngortinneqarnissaat uani pineqanngilaq, taamaattumik siunnersuut oqartussaasunut kattuffinnullu tusarniaassutigineqarsimanngilaq.
Siunnersuummi aalajangersakkat ataasiakkaat pillugit oqaaseqaatit
§ 1-imutNr. 1-imut Taaguutaani oqaatsit ”tupa avatangiisinillu tupatorfiunngitsunik isumannaarineq kiisalu” peerneqarput. Peqqussutip taaguutaa tamatuma kingorna imaalerpoq: ”Tupanik nioqqutissat nalunaaqutserneqartarneri nioqqutigineqarnerilu pillugit Inatsisartut peqqussutaat”.
Nr. 2-mut §§ 2 – 7 avatangiisinut tupatorfiunngitsunut tunngasut atorunnaarsinneqarput.
§ 2-mutPujortaqqusinnginneq pillugu Inatsisartut inatsisissaatut siunnersuutip ulloq atortuulerfia malissavaa, taassuma atortuulerfiatut ulloqarluni.