28. april 2010

FM 2010/92

Radiokkut tv-kullu aallakaatitsisarneq pillugu inatsisartut peqqussutaata allanngortinnissaa pillugu inatsisartut peqqussutissaattut siunnersuut

pillugu

Kultureqarnermut-, Ilinniartitaanermut,- Ilisimatusarnermut Ilageeqarnermullu Ataatsimiititaliap

ISUMALIUTISSIISSUTAA

Siunnersuutip aappassaaneerneqarnissaanut saqqummiunneqartoq

 

Kultureqarnermut, Ilinniartitaanermut, Ilisimatusarnermut Ilageeqarnermullu ataatsimiititaliaq suliarinninnermini ukuninnga inuttaqarpoq:

Inatsisartunut ilaasortaq, Debora Kleist
Inatsisartunut ilaasortaq, Harald Bianco
Inatsisartunut ilaasortaq, Andreas Uldum
Inatsisartunut ilaasortaq, Malik Berthelsen
Inatsisartunut ilaasortaq, Knud Kristiansen

Siunnersuutip siullermeerneqarnera tunngavigalugu Ataatsimiititaliap siunnersuut matumani pineqartoq misissorpaa.

Siunnersuutip imarisaa

Ukioq 2010-imut aningaasanut inatsisissap akuersissutigineqarneranut atatillugu 2010-ip ingerlanerani Radioqarnermut tv-qarnermullu ataatsimiititaliamut aningaasaliissutaasartut peeriartuaarnissaannik aalajangiisimanerup kingunerisaanik siunnersuut saqqummiunneqarpoq.

Siunnersuutip Inatsisartuni siullermeerneqarnera

Partiit tamarmiusut siunnersuummut tapersersuipput.

Kultureqarnermut-, Ilinniartitaanermut,- Ilisimatusarnermut Ilageeqarnermullu Ataatsimiititaliap siunnersuummik suliarinninnera

Ukioq 2010-imut aningaasanut inatsisissap Inatsisartunit akuersissutigineqarnerata Radioqarnermut tv-qarnermullu ataatsimiititaliamut aningaasaliissutaasartut peeriartuaarnissaannik aalajangiisimanerup kingunerisaanik siunnersuut saqqummiunneqarsimammat Ataatsimiititaliap maluginiarpaa. Aalajangerneq Inatsisartunit isumaqatigiittunit aalajangiunneqarpoq.

Kultureqarnermut-, Ilinniartitaanermut,- Ilisimatusarnermut Ilageeqarnermullu Ataatsimiititaliap inassuteqaataa

Siuliani allassimasut kiisalu siullermeerinninnermi oqaaseqaatit tunuliaqutaralugit siunnersuut akuersissutigineqassasoq Ataatsimiititaliamit isumaqatigiittumit inassutigineqarpoq.

Taama oqaaseqaateqarluni Kultureqarnermut-, Ilinniartitaanermut,- Ilisimatusarnermut Ilageeqarnermullu Ataatsimiititaliap siunnersuut aappassaaniigassanngortippaa

 

	Harald Bianco
Debora Kleist		Andreas Uldum
Malik Berthelsen		Knud Kristiansen