16. april 2010

UPA 2010/29

                                                                                                            

Allannguutissatut siunnersuut

uunga

Meeqqat atuarfianni klassini qullerni atuartut atuarnermut tapiiffigineqartarnerat pillugu Inatsisartut peqqussutaata atorunnaarsinnera pillugu Inatsisartut peqqussutissaattut siunnersuut.

Ilaqutariinnermut Ataatsimiititaliami amerlanerussuteqartunit Inuit Ataqatigiit Demokraatillu sinniisaannit aappassaaneerinninnermut saqqummiunneqartoq.

 

§ 2-mut

1.  § 2 ima oqaasertalerneqassaaq:
”§ 2. Inatsisartut peqqussutaat ulloq 1. juli 2010 atuutilerpoq, 1. august 2010-miit sunniuteqarluni.”

 

 

Allannguutissatut siunnersuummut nassiuaatit

 

Nassuiaatit nalinginnaasut

Meeqqat atuarfianni klassini qullerni atuartut atuarnermut tapiiffigineqartarnerat pillugu Inatsisartut peqqussutaata atorunnaarsinnera pillugu Inatsisartut peqqussutissaannut siunnersuut 2009-mi ukiakkut ataatsimiinnermi UKA2009 siullermeerneqarpoq. Aappassaaneerneqarnissaa 2010 upernaakkut ataatsimiinnermut UPA2010 kinguartinneqarpoq. Tamatuma malitsigisaanik atuutilersitsinissaq pillugu aalajangersagaq allanngortinneqartariaqarpoq.

Allannguutissatut siunnersuut aningaasatigut kinguneqassanngilaq.

 

Allannguutissatut siunnersuummi aalajangersakkanut ataasiakkaanut nassuiaatit

Nr. 1-imut

Allannguutissatut siunnersuutip malitsigissavaa inatsisip atuutilerfissaata 1. januar 2010-miit 1. juli 2010-mut kinguartinneqarnera. Ullulli sunniuteqarfigiligassaata allanngortinneqarnissaa siunnersuutigineqanngilaq. Taamaalilluni inatsit 1. august 2010-miit sunniuteqalissaaq, atuutilersitsinissamut aalajangersagaaqqaartumi aallaqqaammulli siunnerfigineqartutut.