Sanaartornermi ilinniartoqartarneq pillugu Namminersorlutik Oqartussat nalunaarutaat nr. 10, 12. juli. 2010-meersoq

Sanaartornermi neqerooruteqartitsisarneq pillugu Inatsisartut inatsisaanni nr. 11-imi, 2. december 2009-meersumi § 35 naapertorlugu matumuuna aalajangersarneqarput:

 

Atuuffia

§ 1.  Nalunaarutip atuuffii tassaapput:
1) Namminersorlutik Oqartussat sanaartugassaataat taakkununngalu pilersuinerit, ingerlatseqatigiiffiit Namminersorlutik Oqartussat aalajangiisarnikkut sunniuteqarfigisaat, kiisalu kommunini oqartussaasut.
2) Neqerooruteqartitsisartut allat, sanaartugassanut neqerooruteqartitsisut, pisortanit tapiissutinik pissarsisimasut, tassungalu ilaapput Namminersorlutik Oqartussanit tapiissutit, utertitsinerit, taarsigassarsititsinerit imaluunniit qularnaveeqqusiissuteqarnerit.
Imm. 2.  Nalunaarutip atuuffigisassarinngisai tassaapput:
1) Piginneqatigiilluni inissiat, sanatitsisunit namminersortunit sananeqartut aningaasalersorneqartullu, tamatumalu kingorna piginneqatigiilluni inissiaatillit peqatigiiffiannut tunniunneqartut.
2) Namminersortut inissialiortiternerat, Inatsisartut aningaasanut inatsisaanni oqaasertaliussat naapertorlugit taarsigassarsititsinissamik neriorsuuteqarfiusut.

Neqerooruteqartitsisumut piumasaqaatit

§ 2.  Sanaartugassanik minnerpaamik katillugit 3 millioner koruuninik nalilinnik neqerooruteqartitsinermi, neqerooruteqartitsisup neqerooruteqarnissamut najoqqutassani piumasaqaateqassaaq, atorfinitsinneqartussat ikinnerpaamik tassaassasut:
1)  sanaartugassaq minnerpaamik 3 millioner koruuninik, kisiannili 6 millioner koruunit inorlugit naleqarpat ilinniartoq ataaseq.
2)  sanaartugassaq minnerpaamik 6 millioner koruuninik, kisiannili 9 millioner koruunit inorlugit naleqarpat ilinniartut marluk.
3)  sanaartugassaq minnerpaamik 9 millioner koruuninik naleqarpat ilinniartut pingasut.
Imm. 2.  Ilinniartunik piukkunnartunik soqanngitsoq Piareersarfimmiit uppernarsarneqarsinnaappat, entreprenøri ilinniartunik imm. 1-imi piumasarineqartunit ikinnerusunik atorfinitsitsisinnaavoq.
Imm. 3.  Ilinniartut tassaapput ilinniartut, suliffinni misiliisut, pikkorissartut aammalu ilinniartut, Kalaallit Nunaanni sanaartornermik ilinniarfimmi ataatsimi ilinniagaqartuusut.

Atortuulerfissaa

§ 3.  Nalunaarut 1. august 2010-mi atuutilerpoq.

Namminersorlutik Oqartussat, ulloq 12. juli 2010

Jens B. Frederiksen

/

Steffen Ulrich-Lynge