20. august 2009

UKA 2009/121

 

Uunga siunnersuut: Nunaoil A/S pillugu Inatsisartut inatsisissaat nr. xx ulloq xx måned 2009-meersoq

 

§ 1.  Kalaallit Nunaanni Namminersorlutik Oqartussat ikummatissat pillugit akuersissuteqartarnermi peqataanissaat kiisalu Kalaallit Nunaanni avataanilu tamatumunnga atatillugu pissusissamisoortumik suliassai Nunaoil A/S’ip isumagisarai.

§ 2.  Aktiatigut aningaasaatit Naalakkersuisut aqqutigalugit Namminersorlutik Oqartussat pigisarai.
Imm. 2.  Nunaoil A/S-imi aktiaatit tamakkiisumik ilaannakortumilluunniit Namminersorlutik Oqartussat tunisinnaavaat kiisalu aktieselskabimi aktiaatinik nutaanik Namminersorlutik Oqartussat toqqaannartumik toqqaannanngitsumilluunniit tamakkiisumik pigineqartunik pisisinnaatitaallutik.

§ 3.  Selskabip ukiumoortumik nalunaarusiaa akuerisaasoq Inatsisartut ataatsimiititalialiatut pilersitaanut ilisimatitsissutitut Naalakkersuisut nassiutissavaat.
Imm. 2.  Selskabip ukiup siuliani sammisarsimasani pillugit ukiumut ataasiartumik selskabi nassuiaammik suliarinnittassaaq kiisalu ukiumut tulliuttumut siunissamullu ungasinnerusumut sammisassatut pilersaarutit kiisalu tamakkunannga aningaasalersuinissanut pilersaarutit pillugit nassuiaateqartassalluni. Nassuiaat ukiumoortumik nalunaarusiaq ilanngullugu Naalakkersuisut nassiuttassavaat imm. 1-imi eqqaaneqartoq malillugu.
Imm. 3.  Tamakku saniatigut selskabip Naalakkersuisut aqqutigalugit Inatsisartut ataatsimiititaliatut pilersitaanut selskabimi iliuuserisimasat ilisimatitsissutigisassavai, inuiaqatigiinni annertuumik pingaaruteqartutut isumaqarfigineqartut imaluunniit ima sunniuteqassappata selskabip sammisaani aaqqissuussinikkut annertuumik allannguuteqartitsinernik kinguneqartussatut isumaqarfigineqarlutik.
Imm. 4.  Sammisani, imm. 2 aamma 3-mi attuumassuteqartuni, Naalakkersuisut imaluunniit ataatsimiititaliap siulittaasua aalajangersinnaavoq, ilisimatitsissutip ilaa imaluunniit tamarmiusoq isertuussassatut sammineqassasoq.

§ 4.  Inatsisartut inatsisaata atuutilerfissaraa ulloq 1. januar 2010.
Imm. 2.  Tamatumunnga ilutigitillugu Kalaallit Nunaanni ikummatissatigut sammisaqarnermi isumaginnittussamik selskabimik pilersitsineq pillugu inatsisartut inatsisaat nr. 10 ulloq 22. november 1984-imeersoq atorunnaarsinneqarpoq.

Namminersorlutik Oqartussat, ulloq xx.xxxx 2009

Kuupik Kleist

/

Ove Karl Berthelsen