23 november EM2009/121
Siunnersuut uunga: Nunaoil A/S pillugu Inatsisartut inatsisaat nr. xx, uu. qqqq 2009-meersoq-mut
allannguutissatut siunnersuut
Naalakkersuisunit aappassaaneerinninnissamut saqqummiunneqartoq
pillugu
Inuussutissarsiornermut Ataatsimiititaliap
ILASSUTITUT ISUMALIUTISSIISSUTAA
Allannguutissatut siunnersuutip aappassaaneerneqarneranut saqqummiunneqartoq
Inuussutissarsiornermut Ataatsimiititaliaq suliarinninnermini ukuninnga ilaasortaqarpoq:
Inatsisartunut ilaasortaq Aqqaluaq Egede, siulittaasoq, Inuit Ataqatigiit
Inatsisartunut ilaasortaq Niels Thomsen, siulittaasup tullia, Demokraatit
Inatsisartunut ilaasortaq Naaja Nathanielsen, Inuit Ataqatigiit
Inatsisartunut ilaasortaq Siverth K. Heilmann, Atassut
Inatsisartunut ilaasortaq Per Berthelsen, Siumut
Ataatsimiititaliap siunnersuummi suliarinninneraAtaatsimiititaliap ulloq 23. november ataatsimiinnermini siunnersuut nassuiaatitaalu misissuataarpai. Ataatsimiititaliami amerlanerussuteqartut Naalakkersuisut allannguutissatut siunnersuutaat ilalersinnaavai. Taamaalillunilu aamma inassuteqaatini nammineq allannguutissatut siunnersuutimi itigartinneqarnissaat ataatsimiititaliap inassutigisariaqassavaa.
Ataatsimiititaliap inassuteqaataiAtaatsimiititaliami amerlanerussuteqartut Inuit Ataqatigiit, Demokraatit Atassutillu sinniisaasa Inuussutissarsiornermut Ataatsimiititaliap allannguutissatut siunnersuutaasa itigartinneqarnissaat inassutigaat.
Demokraatilli sinniisaata pissutissaqarsoraa oqaatigissallugu allannguutissatut siunnersuuteqarnerminnut Naalakkersuisut naalakkersuinikkut siunertaat tamakkiisumik paasinnginnamiuk. Sinniisuutitaq aallaavittut isumaqarpoq Nunaoil A/S eqqarsaatigalugu siulersuisunut ilaasortaasartussanut pisortaasartussanullu taamatullu aamma ingerlatsineq pillugu Inatsisartut malinnaatinneqarsinnaanerannut piumasaqaatit sakkortusinernissaannik Inuussutissarsiornermut Ataatsimiititaliap kissaatai tunngavissaqarlutillu naapertuukkaluartut.
Ataatsimiititaliami amerlanerussuteqartut Inuit Ataqatigiit, Demokraatit Atassutillu sinniisaasa Naalakkersuisut allannguutissatut siunnersuutaasa akuerineqarnissaat inassutigaat.
Ataatsimiititaliami ikinnerussuteqartut Siumup sinniisaatitaata Naalakkersuisut allannguutissatut siunnersuutaasa itigartinneqarnissaat inassutigaa. Taamaattumik aamma ikinnerussuteqartut Inuussutissarsiornermut Ataatsimiititaliap allannguutissatut siunnersuutaasa akuerineqarnissaat inassutigaat.
Ikinnerussuteqartut Naalakkersuisut allannguutissatut siunnersuutaat pillugu oqaatigissavaat isumaqaramik siulersuisut pisortallu akissarsiaqartinneqarnerat pillugu innuttaasut paasisaqarsinnaanissaata peerneqarnissaanik Naalakkersuisut kissaateqarnerat tunngavilersugaanngitsoq. Namminersorlutik Oqartussat ingerlatseqatigiiffiutaasa aqunneqarnerisa ammanerusumik paasiuminarnerusumillu ingerlanneqarnissaat Siumup siuarsarusuppaa.
Taamatut oqaaseqarluni siunnersuummillu siuliani nalunaarneqartutut paasinnilluni Inuussutissarsiornermut Ataatsimiititaliap siunnersuut aappassaaniigassanngortippaa.
Siulittaasoq