10. november 2009     

UKA 2009/126

                                                                                         

Allannguutissatut siunnersuut


uunga


Siunnersuut uunga: Naartunermi, meerartaarnermi qitornavissiartaarnermilu sulinngiffeqarneq ullormusiaqarnerlu pillugit Inatsisartut inatsisaat nr. xx, xx-imeersoq

 

Naalakkersuisunit aappassaanneerneqarnissaanut saqqummiunneqartoq.

 

§ 14-imut

1. Imm. 1 imatut oqaasertalerneqassaaq:
”Meeqqanut inuusuttunullu ikiorsiisarneq pillugu Inatsisartut peqqussutaat naapertorlugu meeraq pingasut inorlugit ukiulik ilaqutariinnut paaqqutarineqartussanngortillugu inissin-neqarpat, kommunalbestyrelserip aalajangersinnaavaa, angajoqqaarsianngortunit ataaseq meeqqap tiguneqarneranut atatillugu sulinngiffeqassasoq.”


§ 19-imut

2. Imm. 3 imatut oqaasertalerneqassaaq:
”Imm. 3.  Soraarumeernermut peqataanissaq akuersaarneqarsinnaavoq, sulinngiffeqarneq kipitin-ngikkaluarlugu."

3. Imm. 4 atorunnaarpoq.


§ 25-imut

4. Imm. 2 imatut oqaasertalerneqassaaq:
”Imm. 2.  Ullormusiat aningaasartaasa annertussusiat isumaginninnikkut aningaasanngorlugit ikiorsiissutaasartut pillugit kaajaallaasitami takuneqarsinnaavoq, taakku Isumaginninnermut Naalakkersuisoqarfimmit ikinnerpaammik ukiumut ataasiarlugit saqqummersinneqartarput. Kaajallaasitaq Naalakkersuisut nittartagaasigut tamanut saqqummiunneqassaaq."


§ 45-imut

5. Imm. 1 imatut oqaasertalerneqassaaq:
“Inatsisartut inatsisartaat manna 1. marts 2010 aallarnerfigalugu atortuulerpoq.”

 

 

Siunnersuummut oqaaseqaatit

 

Nalinginnaasumik oqaaseqaatit

Inatsisartut inatsisissaattut siunnersuummut allannguutissatut siunnersuutip saqqummiunneqarnera pissuteqarpoq Inatsisitigut teknikkikkut Ingerlatsiviup inatsisissatut siunnersuummut inatsit teknikkikkut pillugu allakkiaqarnera pissutigalugu.

Allannguutissatut siunnersuut inatsit teknikkikkut misissuataarneqarnikuuvoq.

Inatsisissatut siunnersuutip aningaasaqarnikkut kingunissai:

Inatsisissatut siunnersuutip aappariittut nalunaarsorneqarsimasut meerartaarnermi ullormusi-anik pissarsisinnaanissamut periarfissimmagit, Isumaginninnikkut Naalakkersuisoqarfiup nalilersimavaa, tamatumunnga aningaasartuutit annikitsuararsuussasut.

Aningaasartuuteqarnerusinnaaneq aningaasaliissutitut immikkoortitat iluanni akilerneqarsin-naavoq.

 


Aalajangersakkanut ataasiakkaanut oqaaseqaatit


 Nr. 1-imut

Imm. 1 pillugu

Aalajangersagaq nutaajuvoq aalajangersarlugulu, meeqqanut inuusuttunullu ikiorsiisarneq pillugu Inatsisartut peqqussutaat naapertorlugu meeraq pingasut inorlugit ukiulik ilaqutariinnut paaqqutarineqartussanngortillugu inissinneqarpat, kommunalbestyrelserip aalajangersinnaagaa, angajoqqaarsianngortunit ataaseq meeqqap tiguneqarneranut atatillugu sulinngiffeqassasoq.

Naartunermi, meerartaarnermi qitornavissiartaarnermilu sulinngiffeqarneq ullormusiaqarnerlu pillugit Inatsisartut peqqussutaanni atuuttumi ilaavortaaq, angajoqqaarsiat meeqqamik anger-larsimaffimminni tigusinerannut atatillugu sulinngiffeqarnissaat aalajangissallugu periarfis-saqartoq.

Aalajangersagaq ilanngunneqarsimavoq meeqqqap angajoqqaarsiaasullu piffissaqarnissaat  qulakkeerniarlugu, meeqqamut angajoqqaarsiamiilernermini toqqissisimanissaq pilersissin-naajumallugu.

Piumasaqaataavoq, paqqutarinninnissamik inissiineq sivissussuseqassasoq sivikinnerpaamik ukiumik ataatsimik, takuuk imm. 3.


Nr. 2-mut

 Imm. 3 pillugu

Aalajangersagaq nutaajuvoq aalajangersarlugulu, soraarummeernermut peqataanissaq akuer-saarneqarsinnaasoq, sulingiffeqarneq kipitinngikkaluarlugu. Taamaalilluni periarfissiisoqar-poq soraarummeernermi peqataanissamut meerartaareernerup kingorna piffissaq apeqqutaa-tinnagu.

Aalajangersagaq ilanngunneqarsimavoq periarfissiiniarluni ilinniagaqarnerup ingerlatiin-narnissanut, taamaalilluni piffissaq ilinniagaqarfiusoq sivitsorneqarani meerartaarnermi sulinngiffeqarnerup nalaani soraarummeernermut peqataanerinnaq pissutigalugu.  


Nr. 4-imut

Imm. 2 pillugu

Aalajangersagaq nutaajuvoq aalajangersarlugulu, ullormusiat aningaasartaasa annertussusiat isumaginninnikkut aningaasanngorlugit ikiorsiissutaasartut pillugit kaajaallaasitami takune-qarsinnaasut, taakku Isumaginninnermut Naalakkersuisoqarfimmit ikinnerpaammik ukiumut ataasiarlugit saqqummersinneqartarput. Innuttaasut ullormusiat aningaasartaasa annertussiat pillugu paasiniaasinnaanerat qulakkeerniarlugu, kaajallaasitaq Naalakkersuisut nittartagaa-sigut tamanut saqqummiunneqassaaq.


Nr. 5-imut

Imm. 1 pillugu

Piffissaq atortuulersitsivik 1. marts 2010-iussaasoq aalajangersakkakkut tassuuna erseqqissarneqarpoq.