22. oktober 2009

UKA 2009/98

                                                                                                          

 Allannguutissatut siunnersuut

Siunnersuut uunga: Meeqqanut tapiissutit pillugit Inatsisartut inatsisaat nr. xx, xx 2009-meersoq.

 

Aappassaaneerinissamut Naalakkersuisunit saqqummiunneqartoq

 

§ 12-imut

1. Paragraffi oqaasertalerneqassaaq imatut:
Ӥ 12. Inatsisartut inatsisaat manna 1. marts 2010-mi atortuulerpoq.
Imm. 2.  Peqatigisaanik meeqqanut tapiissutit pillugit inatsisartut peqqussutaat nr. 11, 31. oktober 1996-imeersoq atorunnarsinneqarpoq.”

 

 

 

Nassuiaatit nalinginnaasut

Allannguutissatut siunnersuutikkut Ilaqutariinnermut Ataatsimiititaliap inatsisissatut siunnersuummut isumaliutissiissummini kajumissaarutaa akuersaarneqarpoq. Siunertaavoq maleruagassat nutaat piviusunngortinneqarnissaasa piareersarneqarneranni suliami attuumassuteqarlutik akuusut  tamarmik piareerssaanissaminnut piffissaqarluarnerulersinneqarnissaat.

Aalajangersakkanut ataasiakkaanut nassuiaatit

Nr. 1-imut

Inatsisissatut siunnersuutip § 12-atigut aalajangersarneqarpoq Inatsisartut inatsisaat atortuulissasoq 1. januar 2010-mi. Allannguutissatut siunnersuutip kinguneraa atortuulerfissaata ulloq 1. marts 2010-mut kinguartinneqarnera.