Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaata allanngortinneqarneranik Inatsisartut inatsisaat nr. 16, 3. december 2009-meersoq.
(Partiit aningaasaqarnerisa Inatsisartut allaffeqarfiata missingersuutaanit immikkoortinneqarnerat)

 

§ 1

Naalakkersuinikkut sulinermut aningaasatigut tapiissuteqartarneq pillugu Inatsisartut inatsisaanni nr. 1, 31. maj 2001-meersumi kingullermillu Inatsisartut inatsisaatigut nr. 8, 1. juni 2006-imeersukkut allanngortinneqartumi ima allanngortitsisoqassaaq:



1.  § 1-imi imm. 3-p kingorna ilanngunneqassapput:
"Imm. 4.  Kalaallit Nunaanni Namminersorlutik Oqartussat partiinut, kattusseqatigiinnut kisimiillutilluunniit qinigaasunut aningaasatigut toqqaannartumik toqqaannanngikkaluamilluunniit tapiissuteqarsinnaanngillat, tamanna inatsimmi matumani inatsimmiluunniit allami erseqqissumik tunngavissinneqarsimanngippat.
Imm. 5.  Imm. 4 apeqqutaatinnagu Inatsisartunut ilaasortat inatsisartuni sulinerannut atatillugu allaffinnik, ataatsimiittarfinnik assigisaannillu Kalaallit Nunaanni Namminersorlutik Oqartussat akeqanngitsumik atugassiisinnaapput.”

2.  § 2, imm. 1-imi ima allannguisoqassaaq:
"125.000 kr."-it "170.000 kr."-inik taarserneqassapput aamma ”300.000”-it ”650.000”-inik taarserneqassapput.

3. § 4, imm. 1-imi ima allannguisoqassaaq:
"125.000 kr."-it "170.000 kr."-inik taarserneqassapput.

4. § 9, imm. 2-mi oqaaseqatigiit sisamaasa kingorna ilanngunneqassapput:
”Naatsorsuutit tiguneqarpata Inatsisartut Siulittaasoqarfiannit tamanut saqqummiunneqassapput.”

5. Inatsisartut inatsisaanni ”Landstinget”-imik allaqqasut tamarmik ”Inatsisartut”-mut allan-ngortinneqarput aammalu ”Landstingets”-imik allaqqasut tamarmik ”Inatsisartuts”-mut allanngortinneqarlutik.

6. Inatsisartut inatsisaanni ”landstingsvalg”-imik allaqqasut tamarmik ”inatsisartutvalg”-imut allanngortinneqarput aammalu ”landstingsarbejdet”-imik allaqqasut tamarmik ”inatsisartutarbejdet”-imut allanngortinneqarlutik.

7. Inatsisartut inatsisaanni ”Landsstyret”-imik allaqqasut tamarmik ”Naalakkersuisut”-mut allanngortinneqarput.


§ 2

Inatsisartut inatsisaat atortuulerpoq ulloq 1. januar 2010.




Kalaallit Nunaanni Namminersorlutik Oqartussat, ulloq  3. december 2009




Kuupik Kleist

/

Peter Schultz

Siunnersuummut nassuiaatit

Isumaliutissiissut (Aappassaaneerinninneq)