Meeqqanut ileqqaakkat pillugit Inatsisartut inatsisaata atorunnaarsinneqarnissaanik Inatsisartut inatsisaat nr. 5, 30. november 2009-meersoq.
§ 1. Meeqqanut ileqqaakkanut immikkoortitanit pisassaqartup pisassai, ilassutaasinnaasut ilanngullugit, nalinginnaasumik aningaaserivimmi kontomut pisassaqartup kontoanut, 31. december 2009-mi nunneqassapput. Aningaasat nuunneqarneranni meeqqanut ileqqaakkanut immikkoortitanit peerneqartutut isigineqassapput.
Stk. 2. Pisassaqartoq aningaaserivimmi kontoqarpat aningaasat kontoreriigaanut nuunneqassapput.
Stk. 3. Pisassaqartup pisassarisai nuussinnginnermi § 2 naapertorlugu tapinik ilaneqassapput.
Stk. 4. Meeqqanut ileqqaakkanut immikkoortitat 1. januar 2012-imi atorunnaarsinneqassapput meeqqanullu ileqqaakkanut immikkoortitat sinneruttut Nunap karsianut nakkartinneqassallutik.§ 2. Aaqqissuussinermi sinneqartoorutaasinnaasut 50 procentii meeqqanut ileqqaakkanit pisassaqartup pisassarisaanut tapinut (ernialiinermut) atorneqassapput.
§ 3. Meeqqanut ileqqaakkanut immikkoortitat atorunnaarsinnissaat tunniunneqarnissaallu pillugit Naalakkersuisut ingerlatsisunut isumaqatigiissuteqarnissamut pisinnaatinneqarput, tamatumani aamma meeqqap sumiinnera imaaliinnarluni nassaarineqarsinnaatinnagu iliuusissanik aallartitsinissaq pillugu.
Atuutilernera§ 4. Inatsisartut inatsisaat 31. december 2009-mi atuutilersinneqassaaq.
Stk. 2. Tamatumunnga peqatigitillugu Inatsisartut inatsisaat nr. 13, 2. november 2006-imeersoq aamma nalunaarut nr. 23, 1. december 2006-imeersoq atorunnaarsinneqassapput.
Kalaallit Nunaanni Namminersorlutik Oqartussat, ulloq 30. november 2009
Kuupik Kleist/
Palle Christiansen
Isumaliutissiissut (Aappassaaneerinninneq)