Raajanut akitsuutit pillugit Inatsisartut inatsisaata allanngortinneqarneranik Inatsisartut inatsisaat nr. 4, 30. november 2009-meersoq.
(Akitsuusiisarnerup naatsorsorneqartarnerata allanngortinneqarnera)
§ 1.
Raajanut akitsuutit pillugit inatsisartut inatsisaat nr. 20, 25. oktober 1990-imeersumi, ilaatigullu inatsisartut inatsisaat nr. 19, 11. december 2003-meersukkut kingullermillu Inatsisartut inatsisaat nr. 14, 2. november 2006-meersukkut allanngortinneqartumi, ukuninnga allanngortitsisoqarpoq:
1. § 4, imm. 2, oqaaseqatigiit siulliit ”tunisinermi aki kiilumut 13,00 kr.-niusoq” imaalillugu allanngortinneqarpoq: ”tunisinermi aki kiilumut 11,70 kr.-niusoq”.2. § 4, imm. 2 imatut oqaasertalerneqassaaq:
”Imm. 2. Raajat akitsuusigassat, umiarsuit Kalaallit Nunaanni nalunaarsorneqarsimasut atorlugit pisarineqartut, ukiup sisamararterutaani kingullerni sisamani tunineqarneranni agguaqatigiissillugu kiilumut akiat tunngavigalugu aallaavissaq naatsorsorneqassaaq, tassa tunisinermi aki agguaqatigiissillugu kiilumut 11,70 kr.-niusoq aallaavissatut 100,00-imut angissusilerlugu. Tunisinermi akip 11,70 kr.-iniit ørimik ataatsimik annerulerneri tamaasa aallaavissaq aaqqiivigineqartassaaq.”
3. § 4, imm. 3 imatut oqaasertalerneqassaaq:
"Imm. 3. Aallaavissaq 100,0855-nngorpat akitsuut 0,01 pct.-imut angissusilerneqassaaq aallaavissap 0,0855 procentpointimik qaffanneri tamaasa 0,01 procentimik qaffattassalluni. Aallaavissaq 100,00-iuppat annikinnerullunilunniit akitsuummik akiliisoqassanngilaq.”4. § 4, imm. 4 imatut oqaasertalerneqassaaq:
”Imm. 4. Aallaavissaq 484,6154-iuppat, agguaqatigiissillugu tunisinermi aki 56,70 koruuninik annertussuseqarluni annertunerulluniluunniit akitsuutit 45 procentinut aalaakkaatinneqalissapput.”5. Inatsisip danskisuuani ”Landsstyret” imaalillugu allanngortinneqassaaq ”Naalakkersuisut”.
§ 2.
Inatsisartut inatsisaat atuutilerpoq ulloq 1. januar 2010-mi.
Namminersorlutik Oqartussat, ulloq 30. november 2009
Kuupik Kleist/
Palle Christiansen
Isumaliutissiissut (Aappassaaneerinninneq)