20.august 2009

UKA 2009/100

 

Siunnersuummut oqaaseqaatit

Oqaaseqaatit nalinginnaasut

Siusinaartumik soraarnerussutisiat pillugit Inatsisartut peqqussutaanni nr. 4, 7. maj 2007, § 15-p kalaallisuua danskisuualu oqaasertaat imminnut naapertuutinnginnerat pillugu Inatsisartut Ombudsmandiata ilisimatitsissutaa tunngavigalugu Inatsisartut peqqussutissaattut siunnersuummut allannguutissatut siunnersuut saqqummiunneqarpoq. Inatsisartut peqqussutaata danskisuuani ilaanngitsoq Inatsisartut peqqussutaata kalaallisuuani aalajangersagaq imm.5 ilaavoq.

§ 15-p danskisuuata kalaallisuuatalu imminnut naapertuuttunngortinnissaat qulakkeerumallugu § 15, imm. 5-p atorunnaarsinneqarnissaa pillugu allannguutissatut siunnersuummi matumani siunertarineqarpoq.

Allannguutissatut siunnersuut inatsisitigut ilusiligaanera misissorneqareerpoq.

 

 

Aalajangersakkanut ataasiakkaanut oqaaseqaatit

§ 1-mut

Kalaallisuuani § 15-imi tallimaapput danskisuuanilu sisamaallutik. Siusinaartumik soraarnerussutisiat pillugit peqqussutip § 15 imm. 5-p atorunnaarsinneratigut § 15-imi kalaallisuua danskisuualu imminnut naapertuutilissapput.