26. november 2008

UKA2008/152

Allannguutissatut siunnersuut

uunga

Siunnersuut: Efterskolit pillugit Inatsisartut inatsisaat nr. Xx, xx-meersoq

Naalakkersuisunit pingajussaaneerinissamut saqqummiussaq.

§ 1

1. § 1, imm. 5-imi oqaaseqatigiit aappaattut ilanngunneqassaaq:
"Ilinniartut taakku efterskolernertik inaarutaasumik naliliinermik misilitsinnermillu naggasissavaat."

2. § 1, imm. 6-imi oqaaseqatigiit aappaattut ilanngunneqassaaq:
"Ilinniartut taakku efterskolernertik inaarutaasumik naliliinermik misilitsinnermillu naggasersinnaavaat."

 

Oqaaseqaatit

Inatsisartut Kultureqarnermut Ilinniartitaanermullu Ataatsimiititaliaata 22. november 2008 isumaliutissiissutimini qinnutigaa, ilinniartut meeqqat atuarfianni inaarutaasumik naliliinernut misilitsinnernullu Kalaallit Nunaanni efterskolernertik naggasertassagaat.

Nr. 1-imut

Allannguisoqarpoq qularnaarumallugu ilinniartut atuartitaasussaatitaasut efterskolernermik naammassinerani inaarutaasumik nalilerneqarlutillu misilitsissinnaanissaat. Allannguutip nassatarissavaa, ilinniartut atuartitaasussaatitaasut maanna efterskolernertik naammassisinnaalissammassuk inaarutaasumik nalilerneqarlutillu misilitsillutik.

Nr. 2-mut

Allannguisoqarpoq qularnaarumallugu, ilinniartut ukiumikkut atuartitaasussaajunnaareersut efterskolernerminnik inaarutaasumik nalilerneqarlunilu misilitsinnermik naammassinnissinnaanissamut periarfissaqarnissaat. Allannguutip nassatarissavaa ilinniartut ukiumikkut atuartitaasussaajunnaareersut maanna pisinnaatitaalermata, efterskolernertik inaarlugu inaarutaasumik nalilerneqarlutillu misilitsinnissamut.