15. august 2008 UKA 2008/68
Inatsissatut siunnersuummut oqaaseqaatit
Oqaaseqaatit nalinginnaasut
1. Inatsimmut siunnersuutip tunuliaqutaaSiunnersuut aningaasarsianit akileraarutit pillugit inatsisartut inatsisaata allannguutissaatut inatsisartut inatsisissaattut siunnersuummut matumani siunnersuummut peqatigitillugu saqqummiunneqartumut tamakkiisumik innersuussutigineqarsinnaasumut atatillugu isigineqassaaq.
Aningaasarsianit akileraarutit pillugit inatsisartut inatsisaata allannguutissaatut siunnersuutip pissuseqataanik siunnersuummi matumani siunertarineqarpoq suliffeqarfiit erngup sermillu avammut nioqqutissatut atorneqarnissaat siunertaralugu ujarlernissamut iluaqutiginninnissamullu akuerineqartut aatsitassat pillugit inatsit malillugu akersissuteqarfigineqartunut akileraarutitigut naligiissilernissaat.
2. Inatsimmut siunnersuutip imarisaaSiunnersuutigineqarpoq suliffeqarfiit erngup sermillu avammut nioqqutissatut atorneqarnissaat siunertaralugu ujarlernissamut iluaquteqarnissamullu akuerineqartunit aningaasarsianit iluanaarutinillu akileraarutit landskassimut nakkartassasut. Tamatumuuna isiginiarneqarpoq sermimik imermillu nunanut allanut nioqquteqarneq aatsitassanik piaanertulli inuiaqatigiit pinngortitamit isumalluutaanik tunngaveqarnerat. Sermimik imermillu nunanut allanut tunisinermit akileraarutitigut iluaraarutaajumaartut inuiaqatigiinnut tamanut iluaqutaanissaat pitsaanerpaamik qulakkeerneqarsinnaavoq isertitanit iluanaarutinillu akileraarutit landskarsimut nakkartarpata.
3. Pisortanut aningaasatigut allaffissornikkullu kingunissai:Inatsisissatut siunnersuut isertitat annertussusiannut imannak sunniuteqassanngilaq.
Ingerlatat matuma qulaani taagorneqartut ilisarnaatigaat piffissamik sivisuatsiaamik atuiffiusarmata pilersaarusiornermi ujaarlernermi taamatullu tunisassiornertaviani/iluaquteqarnermi, taamaammallu maannaakkut qanoq isertitaqarnissaq erseqqissumik kisitsisitalerniarnissaa assut ajornakusoorluni.
Isertitatigut piffissaq ungasinnerusoq eqqarsaatigalugu sunniutissat sunniuteqarnissaanut imermik sermimillu avammut tuniniaanermik ingerlatani qanoq annertutigisumik ineriartortitsineqaannarsinnaanissaa annertuumik apeqqutaassaaq.
4. Inuussutissarsiortunut aningaasatigut allaffissornikkullu kingunissai:Inatsimmut siunnersuut inuussutissarsiortunut aningaasatigut allaffissornermullu sunniuteqassanngilaq.
Aningaasatigut sunniutissai isertitatigut piffissaq ungasinnerusoq eqqarsaatigalugu sunniutissat sunniuteqarnissaanut imermik sermimillu avammut tuniniaanermik ingerlatani qanoq annertutigisumik ineriartortitsineqaannarsinnaanissaa annertuumik apeqqutaassaaq.
5. Avatangiisinut pinngortitamullu kingunissai:Inatsisissamut siunnersuut avatangiisinut pinngortitamullu sunniuteqassanngilaq.
6. Allaffissornikkut innuttaasunut kingunissai:Inatsisissamut siunnersuut innuttaasunut allaffissornikkut sunniuteqassanngilaq.
7. Naalagaafeqatigiinnermut namminersulernermullu tunngasut:Inatsisissamut siunnersuut naalagaaffeqatigiinnermut namminersulernermulluunniit ingerlatsinermut attuumassuteqanngilaq.
8. Pisortat kattuffiillu tusarniaavigineqarnerat:Siunnersuut ukununnga tusarniaassutigineqarsimavoq:
KANUKOKA, Kalaallit Nunaanni Sulisitsisut Peqatigiiffiat (GA), ILIK, Nunaqavissut Suliffiutillit Kattuffiat (NUSUKA), Sulinermik Inuussutissarsiuteqartut Kattuffiat (SIK), KNAPK, Inuutissarsiornermut, Suliffeqarnermut Inuutissarsiutinullu ilinniartitaanermut Naalakkersuisoqarfik, Aalisarnermut, Piniarnermut Nunalerinermullu Naalakkersuisoqarfik aamma Aatsitassanut Pisortaqarfik.
Tusarniaanermi akissutit Akileraartarnermut Akitsuutinullu Ataatsimiititamut ingerlatinneqarput.
Kalaallit Nunaanni Sulisitsisut Peqatigiiffiat aamma ILIK allannguutinut tamakkiisumik isumaqataapput.
SIK, Aalisarnermut, Piniarnermut Nunalerinermullu Naalakkersuisoqarfik aamma Inuussutissarsiornermut, Suliffeqarnermut Inuussutissarsiutinullu Ilinniartitaanermut Naalakkersuisoqarfik siunnersuummut oqaaseqaatissaqannginnerarput.
Tamakkua saniatigut tusarniaanermut akissutinik allanik tigusaqartoqarsimanngilaq.
Aalajangersakkanut ataasiakkaanut oqaaseqaatit
§ 1-imutNr. 1-imut.
Siunnersuutigineqarpoq aningaasarsianit akileraarutit, tamatumani ilanngullugit akileraaruserinermik ingerlatsineq pillugu inatsisartut inatsisaanni §§ 27 aamma 43 malillugit sermip erngullu avammut nioqqutissatut atorneqarnissaat pillugu inatsisartut inatsisaat malillugit selskabinit suliffeqarfinnillu pisinnaatitaasunit iluanaarutinit akileraarutit, erniat, tapit, landskassimut nakkartassasut.
§ 2-mutSiunnersuutigineqarpoq inatsisartut inatsisaat 1. januar 2009-mi atortuulissasoq.