13. oktober 2008

UKA 2008/67

 

Allannguutissatut siunnersuut

Unnga siunnersuut: Aningaasarsianit akileraarutit pillugit Inatsisartut inatsisaata allanngortinneqarneranik Inatsisartut inatsisaat

Aappassaaneerneqarnissaanut Naalakkersuisunit saqqummiunneqartoq.

§ 1-imut

1. Nr. 1-itut nutaamik § 1, imm. 2, nr. 4 siunnersuutaasoq imatut oqaasertaqassaaq.:
"4. nunami maani aalajangersimasumik inissisimaffeqarluni ukioq tamaat suliffeqartoq."

2. Nr. 3-tut nutaamik § 2, imm. 1, nr. 17, litra d siunnersuutaasoq imatut oqaasertaqassaaq:
"d) nunami maani aalajangersimasumik inissisimaffeqarluni ukioq tamaat suliffeqartoq."

 

Siunnersuummut oqaaseqaatit

Oqaaseqaatit nalinginnaasut

Aningaasarsianit akileraarutit pillugit inatsimmi § 1, imm. 2, nr. 4 aamma § 2, imm. 1, nr. 17, litra d-mi aalajangersagassatut siunnersuutit, danskit kalaallillu akornanni marloriaammik akileraartitsinissaq pinngitsoorniarlugu isumaqatigiissutaanni nutaami allaaserisaq 15, imm. 3-mi imarisamikkut assigeeqqissaanngillat, takuuk danskit kalaallillu marloriaammik akileraartitsinissaq pinngitsoorniarlugu isumaqatigiissutaata ilassutaasumik 19. august 2008-mi isumaqatigiissutaasumi allaaserisaq 4.

Taamatut assigiinngissuseq naleqqutinngimmat siunissamilu akileraartarnermi periarfissanik atornerluinermut aallarniutaasinnaassalluni, siunnersuutigineqarpoq aningaasarsianit akileraa-rutit pillugit inatsisip oqaasertalersorneqarnera danskit kalaallillu marloriaammik akileraartitsinissaq pinngitsoorniarlugu isumaqatigiissutaanni nutaami allaaserisaq 15, imm. 3-mut naleqqussarneqassasoq.

 

Aalajangersakkanut ataasiakkaanut oqaaseqaatit

Nr. 1 aamma 2-mut

Siunnersuutigineqarpoq aningaasarsianit akileraarutit pillugit Inatsisartut inatsisaanni § 1, imm. 2, nr. 4-p, aamma § 2, imm. 1, nr. 17, litra d-p oqaasertalersorneri, danskit kalaallillu marloriaammik akileraartitsinissaq pinngitsoorniarlugu isumaqatigiissutaanni nutaami allaa-serisaq 15, imm. 3-mi oqaasertaliussanut tulluarsarneqassasut, takuuk danskit kalaallillu marloriaammik akileraartitsinissaq pinngitsoorniarlugu isumaqatigiissutaannut ilassutaasumik 19. august 2008-mi isumaqatigiissutaasumi allaaserisaq 4.