15. august 2008 UKA 2008/79
Inatsisissatut siunnersuummut oqaaseqaatit
Oqaaseqaatit nalinginnaasut
1. Inatsisissatut siunnersuummut tunuliaqutaasoqInatsisartut Ombudsmandiata juni 2008-mi paasisitsissutigisimavaa pisortanut akiitsut akilersinniarneqartarnerat pinaveersaartinneqarnisaallu pillugit Inatsisartut inatsisaata allanngortinneqarneranik Inatsisartut inatsisaanni nr. 13-imi 15 november 2007-imeersumi (UKA 2007/35) § 11 a, imm. 3-mi, oqaaseqatigiit aappaat kalaallisoornerani amigaataasut.
2. Inatsisissatut siunnersuutip imarisaaAjuusaarnartumik kukkuneq taaneqartup naqqiuteqarfiginissaa siunertaralugu siunnersuutigineqarpoq § 11 a, imm. 3, imatut allanngortinneqassasoq, inatsisip kalaallisuuani qallunaatuuanilu aalajangersakkami oqaaseqatigiit aappaat ilanngunneqassasoq, taanna malillugu kommunit pisassaqartuusut pisassarisat akilerneqarnissaannut piffissarititaasup qaangerneqarnerani akileraaruserivimmut akilersinniagassanngorlugit tunniuttassallugit.
Tunniussinissamut piffissap siuartinneqarneratigut marloriaammik sulineq killilerneqassaaq aammalu kommunini sulisut siusinnerusukkut tuavisaarinermik periutsimik il.il. ingerlatsisuusimasut amerlasuut 1. april 2008-mi akileraaruserivimmut nuunneqarsimanerat eqqarsaatigineqarluni.
3. Aningaasatigut allaffissornikkullu pisortanut sunniutissaiSiunnersuut aningaasatigut allaffissornikkulluunnit pisortanut sunniuteqassanngilaq.
4. Aningaasatigut allaffissornikkullu inuussutissarsiornermut sunniutissaiInatsisissatut siunnersuut aningaasatigut allaffissornikkulluunniit inuussutissarsiornermut sunniuteqassanngilaq.
5. Avatangiisinut pinngortitamullu sunniutissaiInatsisissatut siunnersuut avatangiisinut pinngortitamulluunniit sunniuteqassanngilaq.
6. Allaffissornikkut innuttaasunut sunniutissaiInatsisissatut siunnersuut allaffissornikkut innuttaasunut sunniuteqassanngilaq.
7. Naalgaaffeqatigiinnermut namminersornermullu tunngasutInatsisissatut siunnersuut Naalagaaffeqatigiinnermut namminersornermulluunniit sunniuteqassanngilaq.
8. Pisortanit soqutigisaqaqatigiiffinnullu tusarniaaneqsiunnersuut tusarniaassutigineqanngilaq.
Alajangersakkanut ataasiakkaanut oqaaseqaatit
§ 1 -imut
Nr. 1-imutKommuninut tunngatillugu siunnersuutigineqarpoq pisassarisat akileraaruserivimmut akilertinniagassanngorlugit tunniunneqartassasut akiligassaqartup akiliinissamut nalinginnaasumik piffissaritinneqartup qaangiutinnginnerani akiligassani akilersimanngikkai paasineqaraangat. Taamaasilluni kommunit pisassarisaannut tunngatillugu pisarneq malillugu tuavisaarinermik periutsimik ingerlatsineq akileraaruseriviup isumaagisassarilissavaa.
§ 2-mutSiunnersuutigineqarpoq Inatsisartut inatsisaat 1. december 2008-mi atuutilissasoq.