Ilanngussaq 2
IAI 2006
Oqaasertaliussat
Ineqarnermut, Attaveqarnermut Aatsitassanullu Naalakkersuisoq – Suliassaqarfiit 70-89
Konto pingaarneq 76.01.02-mut AatsitassarsiorneqUkiup aningaasaliiffiusup naanerani aningaasaliissutit atunngitsuukkat ukiumi aningaasaliiffiusumi kingusinnerusukkut atuinissamut immikkoortinnissaannut kiisalu ukiumi aningaasaliissutit saniatigut ukiup siulianit aningaasaliissutinut immikkoortitanut naapertuuttunik aningaasartuuteqarnissamut Naalakkersuisut piginnaatinneqarput.
Kontomut pingaarnermut 89.72.11-mut Nammineq inissianik tapiissutitalimmik sanaartorneqNr. 7:
Imatut allanngortinneqassaaq:
"Naalakkersuisut piginnaatinneqarput konto pingaarneq tamaat isigalugu Aningaasaqarnermut Ataatsimiititaliamut ilisimatitsissuteqarnermikkut 183.502.000 koruunit pallillugit neriorsuuteqarnissaminnut."
Kontumut pingaarnermut 89.72.12-mut Taartissanik inissialiortiterneqTuapannguani suliassaq arfineq marlunnik piginneqatigiilluni inissiaatillit peqatigiiffittaqartoq Blok Q-ip, R-ip aamma S-ip iluarsaanneqarnissaannut taarsiullugu ingerlanneqarpoq. Taamaattumik suliassamut aningaasaliissutaasimasut ineqarnermut suliassaqarfimmi iluarsaassinissanut aningaasaliissutinit nuunneqarnerisigut ilanngunneqarput.
Nuummi Tuapannguani nutaanik inissialiortiternissap tamakkiisumik suliassatut suliariumannittussarsiuunneqarnissaanut Naalakkersuisut piginnaatinneqarput. Suliassaq 2006-imi suliariumannittussarsiuunneqarpoq toqqarneqartorlu Permagreen Grønland A/S-imit neqeroorutaavoq arfineq marlunnik immikkoortunik illorsuartaqartoq, illorsuit taakku tamarmik immikkut 28-nik inissiartaqartussaapput tamarmillu immikkut piginneqatigiilluni inissiaatillit peqatigiiffinnik pilersitsiviussapput, inissiat quleriiaanut arfineq marlunnut aamma quleriiaani allerni marlunnik inissiartaqarlutillu ataatsimoorussanik immikkoortortaqartussatut agguataagaassapput, katillugit illorsuarmi ataatsimi inissiat 30-iussapput imaluunniit katillugit inissiat 210-iussallutik.
Piginneqatigiilluni inissiaatillit peqatigiiffiinut arfineq marluusunut taarsigassarsiarititassatut neriorsuutigineqartut katillugit 179.500.000 koruuniupput, Naalakkersuisullu piginnaatinneqarput taarsiagassarsiaritinneqartussat pillugit piginneqatigiilluni inissiaatillit peqatigiiffiinut ataasiakkaanut nalunaarutigineqartarnissaminnut. Taarsigassarsiarititassat inissianik atuilernermi tunniunneqassapput, tamannalu pissaaq 2009-mi (illorsuit marluk), 2010-mi (illorsuit pingasut) aamma 2011-mi (illorsuit marluk).
Namminersornerullutik Oqartussat inissiaataannut attartortittakkanut taartissatut piginneqatigiilluni inissialiortoqarpat sanaartornermi akiusup 2/3-ianut, taamaattorli m²-mut ataatsimut annerpaamik 10.000 koruuninik, ernialersugaanngitsunik akilersuutitaqanngitsunillu taarsigassarsititsinissamut Naalakkersuisut piginnaatinneqarput.
Illorsuarmut sananeqartumut ataatsimut piginneqatigiilluni inissiaatillit peqatigiiffiannik ataatsimik pilersitsisarnissamik Naalakkersuisut piginnaatinneqarput, imaluunniit illorsuarnik ataatsimit amerlanerusunik sanaqqinnermi peqatigiiffinnik pilersitsisinnaalluni. Aammattaaq piginneqatigiilluni inissiaatillit peqatigiiffiini pilersinneqartuni ataatsimeersuarnerup siulersuisullu pisinnaatitaaffiinik pisussaatitaaffiinillu akisussaalernissamik Naalakkersuisut piginnaatinneqarput. Pisinnaatitaaffik taanna piginneqatigiilluni inissiat piginneqataalertussanut tunniunneqaraangata atorunnaartassaaq.
Illorsuit ataasiakkaat tunniunneqarnissaasa tungaanut inissiarsuit isaterneqarnissaannut atatillugu niuernerpalaartumik aalajangiisariaqartarnissaminnut kiisalu illorsualiassat nutaat sanaartornissaannut tunniunnissaannullu Naalakkersuisut piginnaatinneqarput. Piginnaatitsissummi ilaavoq sanaartornermut aningaasalersuutissanik taarsigassarsisinnaatitaaneq, taarsigassarsinissamut neriorsuummik atsiorsinnaatitaaneq, sanaartortussanik isumaqatigiissusiorsinnaatitaaneq kiisalu aningaaserivimmit imaluunniit realkredittimit aningaasalersuinissamik isumaginninnissaq.
Illorsuarni nutaatut sanaartorneqartuni piginneqataalersussatut maannakkut attartortuusut salliutillugit neqeroorfigineqarnissaannik Naalakkersuisut piginnaatinneqarput. Blok Q-mi, R-mi aamma S-mi attartortut piginneqataalernissaminnik kissaateqartut amerlassusaat naammanngippata Naalakkersuisut Namminersornerullutik Oqartussat inissiaataanni attartortittakkani attartortunut piginneqataalernissamik neqerooruteqarsinnaapput. Tamatuma kingorna piginneqataassutissat tamarmik piginneqataalersussanut tunniunneqarsimanngippata, sinneruttut utaqqisuni allattorsimaffimmi allatsissimasunut Naalakkersuisut neqeroorutigisinnaavaat.
Piginneqataassutissat tamarmik piginneqataalersussanut tunniunneqarsinnaasimanngippata Naalakkersuisut piginneqataaginnarnissamik piginneqatigiillunilu inissiap nalinginnaasumik inissiani attartortittakkani atugassarititaasut malillugit attartortinnissaanik piginnaatinneqarput.
Aammattaaq piginneqatigiilluni inissiaatillit peqatigiiffiinik pilersitsinissamut taarsiullugu piginnittut peqatigiiffiinik pilersitsisoqassagaluarpat siuliani taaneqartutut pilersitsinissamik, ingerlatsinissamik aningaasalersuinissamillu Naalakkersuisut piginnaatinneqarput, taamatuttaarlu aamma inissiat tunineqannginneranni imaluunniit tunniunneqannginneranni piginneqatigiilluni inissiaatillit peqatigiiffiisa piginnittut peqatigiiffinngortillugit allanngortissinnaanissaannut Naalakkersuisut piginnaatinneqarput.
Namminersornerullutik Oqartussat inissiaataasa attartortittakkat isaterneqarnerisa kingorna inissiatut nammineq pigisatut ilusilerlugit taartissatut inissialiornermi inissialiornermut tapersiissuteqartarneq pillugu Inatsisartut peqqussutaanni nr. 4-mi, 30. oktober 1998-imeersumi § 4, imm. 2, naapertorlugu Nunatta Karsiata sanaartornermi akiusup 40 %-ianut, taamaattorli m²-mut ataatsimut annerpaamik 5.400 koruuninik, ernialersugaanngitsunik akilersuutitaqanngitsunillu taarsigassarsititsisinnaaneranik periarfissap atornissaannut Naalakkersuisut piginnaatinneqarput.