24.01.2008

UPA2008/51

 

Peqqussutissatut siunnersuummut oqaaseqaatit

 

Nalinginnaasumik oqaaseqaatit

1. Aallaqqaasiut

Utoqqalinermi pensioninik pissarsisinnaatitaaneq pillugu aalajangersagaq atuuttoq utoqqalinermi pensionisiat pillugit Inatsisartut peqqussutaanni § 5-imi qallunaatut kalaallisullu saqqummiussani assigiinngitsunik oqaasertalersorneqarsimavoq, taamaalilluni piffissaq pissarsisinnaatitaaffiusoq pillugu naapertuuttoqarunnaarsimalluni.

Allannguutissatut siunnersuutikkut matumuuna siunertarineqarpoq qularnaassallugu, piffissaq pissarsisinnaatitaaffiusoq pillugu qallunaatut kalaallisuullu saqqummiussani naapertuuttoqalernissaa.

Allannguutissatut siunnersuutikkut matumuuna siunertarineqarpoq, utoqqalinermi pensionisiat tunniunneqarsinnaalissasut qaammatip 65-inik ukioqalereerfiusup kingorna qaammatip tulliup aallaqqaataaniit. Tamanna nangitsineruvoq taamatut aalajangersakkamit pisortanit pensionisiat pillugit Inatsisartut peqqussutaanni nr. 9, 15. april 2003-imeersumi ulloq 1. juli 2007-imi atorunnaarsinneqartumi.

2. Aningaasaqarnikkut allaffissornikkullu kingunerisassat

Allannguutissatut siunnersuut aningaasaqarniarnikkut allaffissornikkullu kinguneqassan-ngilaq.

3. Oqartussaasunit, kattuffinnit il.il. tusarniaaneq.

Allannguutissatut siunnersuut inatsiseqarnermi teknikkikkut misissuataarneqarsimavoq Naalakkersuisut Inatsisileriffianni.

 

Peqqussutissatut siunnersuummi aalajangersakkanut ataasiakkaanut oqaaseqaatit

§ 1-imut

Nr. 1-imut

Siornatigut oqaaseqaatigineqarsimasunut innersuussutigineqarput. Siunnersuutigineqassaaq, Inatsisartut peqqussutaat 1. januar 2008-imi atortuulissasoq.