Namminersornerullutik Oqartussat kommunillu inissiaataasa attartortittakkat teknikkikkut aningaasatigullu naliliivigineqartarnerat pillugu Namminersornerullutik Oqartussat nalunaarutaat nr. 25, 9. oktober 2008-meersoq
Inissianik attartortitsisarneq pillugu Inatsisartut peqqussutaanni nr. 2, 12. maj 2005-imeersumi § 31, imm. 7 naapertorlugu aalajangersarneqarput:
§ 1. Inissianik Namminersornerullutik Oqartussanit aamma kommuninit pigineqartunik, inissiaq attartortittakkamiit piginneqatigiilluni inissiamut allanngortinneqartunik teknikkikkut aningaasatigullu naliliinermi tunaartassat immersugassarlu tassunga atasoq ilanngussaq 1-itut ilanngunneqartut atorneqassapput.
§ 2. Namminersornerullutik Oqartussat aamma kommunit inissiaataannik attartortittakkanik iluarsaanneqarsimasunik teknikkikkut aningaasatigullu naligititaasoq aalajangersarneqassaaq, inissianik attartortitsisarneq pillugu Inatsisartut peqqussutaanni § 31, imm. 2 naapertorlugu illuutip sananeqarneranut naligititaasutut naatsorsugaasumut, sanaartornermut naatsorsuutit inaarutaasut naapertorlugit iluarsaassinermut aningaasartuutit 80 %-iat ilassutigalugu.
§ 3. Nalunaarut atuutilerpoq ulloq 15. oktober 2008.
Imm. 2. Peqatigitillugu Namminersornerullutik Oqartussat kommunillu inissiaataasa attartortittakkat teknikikkut aningaasatigullu nalilivigineqartarnerat pillugu Namminersornerullutik Oqartussat nalunaarutaat nr. 9, 12. maj 2003-meersoq atorunnaarsinneqarpoq.
Namminersornerullutik Oqartussat, ulloq 9. oktober 2008
Kim Kielsen/
Steffen Ulrich-Lynge