Suliffeqarfinnut pisortanit pigineqartunut aalajangersimasunut tutsinneqarsimasunik tapiissutit utertillugit akilernissaat pillugu Namminersornerullutik Oqartussat nalunaarutaat nr. 18, 27. juni 2008-imeersoq
Unammilleqatigiinneq pillugu inatsisartut inatsisaat nr. 16, 19. november 2007-imeersumi § 12, imm 4, immikkoortut aappaat malillugu aalajangersarneqarpoq:
§ 1. Unammilleqatigiinnermut Ataatsimiititaliap peqqussutigisinnaavaa aamma pisortanit tapiissutit suliffeqarfinnut ingerlatseqatigiiffittut isikkulimmik ingerlatanut pisortanit tamakkiisumik ilaannakusumilluunniit pigineqartunut aalajangersimasunut tutsinneqarsimasut utertillugit akilerneqassasut.
§ 2. Suliffeqarfiit ingerlatseqatigiiffittut isikkulimmik ingerlanneqartunut, unammilleqatigiinneq pillugu inatsimmi § 12, imm. 4 immikkoortut aappaat naap., ilaapput:
1) Suliffeqarfiit pisortat malittarisassaliornerisigut pilersinneqarsimasut, unammilleqatigiinneq pillugu inatsimmi § 2, imm. 2 naap., aamma pisortanit tamakkiisumik ilaannakuusumilluunniit pigineqartut.
2) Kommunit peqatigiiffii, kommunit inuussutissarsiutini il.il. aningaasaliinermikkut inuussutissarsiutinik ineriartortitseqataanissaminnut periarfissaat pillugit inatsisartut inatsisaanni § 2 naap.
3) Suliffeqarfiit allat, pisortanit tamakkiisumik ilaannakuusumilluunniit pigineqartut.
Imm. 2. § 1 naapertorlugu utertillugit akiliinerit taamaallaat akileqquneqarsinnaapput, imm. 1-imi taaneqartut suliffeqarfiit aaqqissuussaanerminni aqutsisoqarnikkut naatsorsuuteqarnikkullu ingerlatseqatigiiffiit killeqartumik akisussaaffilittut, suliffeqarfiit imminut pigisutut ilaalu ilanngullugit assigissaattut ingerlanneqarpata.§ 3. Nalunaarut manna 1. julip 2008-mi atulissaaq.
Namminersornerullutik Oqartussat, ulloq 27. juni 2008
Siverth K. Heilmann/
Bent A. Sørensen