Ilanngussaq 9

4. november 2007

UKA 2007/12 UPA 2007/50

 

Tusagassiuisarnermi akisussaaffeqarneq pillugu Inatsisartut inatsisaat nr. xx, xx-mut siunnersuummut

Allannguutissatut siunnersuut

Siunnersuutip aappassaaneerneqarnissaanut Kultureqarnermut Ilinniartitaanermullu Ataatsimiititaliamit saqqummiunneqartoq.

 

§ 1-mut

1. § 52 ima paasineqassaaq:
" Tusagassiuutit pillugit Aalajangiisartunik isumaqatigiinniarneq aallaavigalugu, Tusagassiuutit pillugit Aalajangiisartut suleriaasissaannik Naalakkersuisut aalajangersaassapput.
Stk. 2. Tusagassiuutit pillugit Aalajangiisartut allattoqarfimmit ikorfartorneqassapput.
Stk. 3. Tusagassiuutit pillugit Aalajangiisartut sulinerannut atasumik aningaasartuutit, allattoqarfimmut aningaasartuutit ilanngullugit Namminersornerullutik Oqartussanit matussuserneqassapput."

 

Nalinginnaasumik nassuiaatit

Tusagassiuisarneq pillugu Aalajangersaasarfiup atuunneranut aningaasartuutit manna tikillugu Naalakkersuisunit akilerneqartarnerisa ingerlaannarnissaa allannguutissatut siunnersuutip kingunerissavaa. Taamaalillunilu Tusagassiuisarneq pillugu Aalajangersaasarfimmut aningaasartuutit tusagassiorfinnit akilerneqarnissaannik Naalakkersuisut peqqusisinnaanerannik inatsisitigut tunngavik peerneqarpoq.

Taamaalillunilu maleruagassanut atuuttunut sanilliullugu allannguutissatut siunnersuut aningaatigut allaffissornikkullu kinguneqaateqassanngilaq.

 

Aalajangersakkamut ataasiakkaanut nassuiaatit

 § 1-mut

Nr. 1-mut:

Imm. 1

Aalajangersagaq oqaatsitigut sukumiisuuvoq, taamaalilluni Tusagassiuutit pillugit Aalajangiisartut isumaqatigiinniarfigineqareernerani suleriaasissaq pillugu siunissami Naalakkersuisut malittarisassiorsinnaanerat ersarissarneqarpoq.

Imm. 2 aamma 3

Aalajangersakkami aalajangerneqarpoq Tusagassiuutit pillugit Aalajangiisartut sulineranni aningaasartuutit, allattoqarfimmut aningaasartuutit ilanngullugit Namminersornerullutik Oqartussanit matussuserneqartassasut.