Tusagassiortut Peqatigiiffiat – Grønlands Presseforening
Kreds 7, Danmarks Journalistforbund
Postboks 1135
3900 Nuuk

 

Nuuk, 14. marts 2007

Inatsisartuni partiinut

Inatsisartut ullumi 14/3 siullermeerlugu oqaluuserivaat tusagassiuisarnermi akisussaassuseqarneq pillugu inatsisissamut siunnersuut, nunatsinni namminerisatsinnik inatsisissarput siulleq. Taamaalillutik Tusagassiuisarnerit pillugit Aaliangiisarfiup ilaasortai justitsministerimit toqqagaasarunnaarlutik naalakkersuisunit juulip aallaqqaataaniit toqqarneqartalissapput.

Inatsisissamut siunnersuut tusarniaassutigineqarmat Aalajangiisartut siulittaasuat siulittaasuatalu tullia inatsisilerituujussasut aalajangersagaavoq, soorlu ullumikkut pissutsit taama ittut.

Tusarniaasoqareermalli siunnersuut allanngortinneqarsimavoq, taamaalilluni Inatsisartunut saqqummiunneqartumi siulittaasoq tullialu inatsisilerituujusariaqaratik. Nunatsinni pissutsinik ilisimasaqarluarnissaq naalakkersuisut pingaarnerutikkaat tunngavilersuutigineqarpoq.

Tusagassiortut Peqatigiiffiata taama aajangersaasoqarnissaa ernumassutigaa.

Politikikkut isummertaatsip misigissutsillu aalajangiisarnerni tunngaviuallaalernissaat ernumassutigaarput, taamaalillunilu tusagassiuutit killilersorneqanngitsumik sulisinnaanerat sanngiillisinneqarsinnaalluni.

Tusagassiortut Peqatigiiffiata pingaartuutippaa Aaliangiisartut siulittaasuata tulliatalu inatsisilerituujunissaat, tamatumuunakkummi naalakkersuinikkut oqartussaasunut qanippallaannginnissaq qulakkeerneqassaaq soorlu aamma aalajangiisarnerni misigissutsit tunngaviuallaannginnissaat qulakkeerneqarsinnaasoq.

Tusagassiuisarnerit pillugit Aalajangiisarfik 12-nik ilaasortaqartussaavoq, taakkunanngalu tusagassiortut aaqqissuisullu katillugit sisamanik toqqagaqassallutik.

Ilaasortat arfinillit (siulittaasoq ilanngullugu) naalakkersuisunit toqqarneqassapput marlullu kattuffinnit kulturimut sunngiffimmullu tunngassuteqartunit toqqarneqassallutik. Taamaalillutik tusagassiuinermik suliallit ikinnerussuteqarput.

Inatsisilerituunik siulittaasoqartitsinnginnikkut pisortat toqqagaat amerlanerussuteqalissapput, tamannalu naleqqutinngilaq.

Taamaattumik naalakkersuisoq qinnuigerusupparput siunnersuutip taama isikkoqarnera eqqarsaatigeqqeqqullugu.

 

Inuulluaqqusillunga/Venlig hilsen

Mariia Simonsen
siulittaasoq/formand
55 78 46/34 35 72
msi@sermitsiaq.gl