11. november 2007

UKA 2007/49

 

Unammilleqatigiinneq pillugu inatsisissatut siunnersuut

pillugu

Inatsisartut Inuussutissarsiornermut Ataatsimiititaliaata

ILASSUTITUT ISUMALIUTISSIISSUTAA

Siunnersuutip pingajussaaneerneqarnerani saqqummiunneqartoq

Inatsisartut Inuussutissarsiornermut Ataatsimiititaliaat suliarinninnermini ukuninnga inuttaqarpoq:

Inatsisartunut ilaasortaq Ruth Heilmann, Siumut (siulittaasoq)
Inatsisartunut ilaasortaq Nikolaj Jeremiassen, Atassut, (sinniisussaq)
Inatsisartunut ilaasortaq Vittus Mikaelsen, Siumut
Inatsisartunut ilaasortaq Esmar Bergstrøm, Inuit Ataqatigiit
Inatsisartunut ilaasortaq Jens B. Frederiksen, Demokraatit

 

Siunnersuutip imarisaa.

Allannguutissatut siunnersuut ilusiliinikkut annikitsumik iluarsiinermik imaqartoq Naalakkersuisunit nassiunneqartoq inatsisissatut siunnersuutip aappassaaneerneqarnerata kingorna Inuussutissarsiornermut Ataatsimiititaliamit misissorneqarpoq.

Tamanna tunngavigalugu Naalakkersuisut allannguutissatut siunnersuutaat ilanngullugit siunnersuut Inatsisartunit akuersissutigineqassasoq ataatsimiititaliap isumaqatigiittup inassutigaa.

Taama oqaaseqarluni Inatsisartut Inuussutissarsiornermut Ataatsimiititaliaata siunnersuut pingajussaaniigassanngortippaa.

 

	Ruth Heilmann Siulittaasoq
Nikolaj Jeremiassen		Vittus Mikaelsen
Esmar Bergstrøm		Jens B. Frederiksen