08-11-2007

UKA 07/41

 

Nunalerineq pillugu Inatsisartut inatsisaata nr. 5, 2. maj 1996-imeersup allanngortinneqarneranik Inatsisartut inatsisissaattut siunnersuut
(Aalisarnermut Piniarnermullu Naalakkersuisoq)

pillugu

Inatsisartut Aalisarnermut Piniarnermut, Nunalerinermullu Ataatsimiititaliaata

ILASSUTITUT ISUMALIUTISSIISSUTAA

siunnersuutip aappassaaneerneqarnerani pingajussaaneerneqarneranilu saqqummiunneqartoq

Inatsisartut Aalisarnermut, Piniarnermut Nunalerinermullu Ataatsimiititaliaat suliarinninnermini ukuninnga inuttaqarpoq:

Inatsisartunut ilaasortaq Lars-Emil Johansen, Siumut, siulittaasoq
Inatsisartunut sinniisussaq Knud Kristiansen, Atassut
Inatsisartunut ilaasortaq Ane Hansen, Inuit Ataqatigiit
Inatsisartunut ilaasortaq Ole Thorleifsen, Siumut
Inatsisartunut ilaasortaq Jens B. Frederiksen, Demokraatit
Inatsisartunut ilaasortaq Godmand Rasmussen, Atassut
Inatsisartunut ilaasortaq Augusta Salling, Atassut

Siunnersuutip aappassaaneerneqarnerani ataatsimiititaliami suliareqqitassanngorlugu inassutigineqarpoq. Siunnersuut taasissutigineqanngilaq.

Ataatsimiititaliap isumaliutai

Ataatsimiititaliap allannguutissatut saqqummiusseqqullugu kaammattuutaa Naalakkersuisut akuerissallugu kissaatiginngikkaat ataatsimiititaliap maluginiarpaa. Taamaattumik siunnersuutip aappassaaneernissaanut pingussaaneernissaanullu ataatsimiititaliaq allannguutissatut siunnersuummik saqqummiivoq. Allannguutissatut siunnersuut isumaliutissiissutissamut matumunnga ilanngunneqarpoq.

Ataatsimiititaliap inassuteqaataa

Ataatsimiititaliaq isumaqatigiittoq allannguutissatut siunnersuummik saqqummiussivoq.

Taamatut oqaaseqarluni Inatsisartut Aalisarnermut, Piniarnermut Nunalerinermullu Ataatsimiititaliaata Inatsisartut inatsisissaattut siunnersuut aappassaaniigassanngortippaa pingajussaaniigassanngortillugulu.

 

	Lars-Emil Johansen, Siumut, siulittaasoq
Ane Hansen, Inuit Ataqatigiit		Ole Thorleifsen, Siumut
Jens B. Frederiksen, Demokraatit		Augusta Salling Atassut