9. november 2007

EM 2007/30

 

Kommunit aaqqissugaanerata nutarternera pillugu Inatsisartut inatsisissaannut siunnersuut

  pillugu

Inatsisartut Aaqqissuusseqqinnissaq pillugu Ataatsimiititaliarigallagaata

NALUNAARUTAA

Siunnersuutip pingajussaaneerneqarnerani saqqummiunneqartoq

Aaqqissuusseqqinnissamut Ataatsimiititaliaq suliarinninnermini ukuninnga inuttaqarpoq:

Inatsisartunut ilaasortaq Lars-Emil Johansen, Siumut, siulittaasoq
Inatsisartunut ilaasortaq Lene Knüppel, Demokraterne, siulittaasup
Inatsisartunut ilaasortaq Godmand Rasmussen, Atassut
Inatsisartunut ilaasortaq Ane Hansen, Inuit Ataqatigiit
Inatsisartunut ilaasortaq Anthon Frederiksen, Kattusseqatigiit Partiiat

Aappaasaaneerinermi isummanik saqqummiussat tunngavigalugit Aaqqissuusseqqinnissamut Ataatsimiititaliaq isumaqatigiittoq allannguutissatut siunnersuutinik saqqummiussivoq.

Nunaqarfinnit ikinnerpaamik marlunnit ataatsimoorussamik nunaqarfinni aqutsisoqarnissamik piumasaqaammit immikkorluinnaq ittumik immikkut akuersissummik angusaqarnissamut allannguutissatut siunnersuutikkut kommunalbestyrelse periarfissinneqassaaq. Nunaqarfiit avinngarusimavissut nunaqarfiilluunniit inuttuut pillugit immikkorluinnaq pisuni Naalakkersuisut tamatumannga immikkut akuersissuteqarsinnaassasut taamaalilluni siunnersuutigineqarpoq.

Kommunalbestyrelse pineqartoq ataatsimoorussamik nunaqarfinnut aqutsisunik nunaqarfinnit marlunnit amerlanerusunit peqataaffigineqartumik qanoq annertutigisumik katiterisimanera immikkut akuersissuteqarnermik nalunaaruteqarnissamik aalajangiinermi Naalakkersuisunit pingaartinneqassasoq siunnersuutigineqarpoq.

Taamaalilluni aallaavissaajuassaaq nunaqarfinnut aqutsisut ataatsimut amerlassusiisa affaannanngortinneqarnissaat.

 

	Lars-Emil Johansen siulittaasoq
Lene Knüppel		Godmand Rasmussen
Ane Hansen		Anthon Frederiksen