Novemberip 9-at 2007 UKA 2007/30
Kommunini suliassaqarfiit aaqqissuuteqqinneqarnerat pillugu inatsisartut inatsisaannut nr. xx, yy -meersooq
allannguutissatut siunnersuut.
Inatsisartut Aaqqissuusseqqinnissaq pillugu Ataatsimiititaliarrigallagaata saqqummiussaa.
§ 8-mut
1. Paragraffi imatut oqaasertaqassaaq:
"§ 8. Ataatsimoorussanik nunaqarfinni aqutsisunik qinersisoqassaaq. Kommunip ataatsip iluani ataatsimoorussamik nunaqarfinni aqutsisut minnerpaamik nunaqarfiit marluk ilaassapput. Nunaqarfiit sorliit ataatsimoorussamik nunaqarfinni aqutsisoqassanersut ilaasortallu qassit qinerneqassanersut kommunalbestyrelsimit aalajangiiffigineqassapput. Tamanna pillugu aalajangiineq ataatsimoorussamik nunaqarfinni aqutsisunik qinersinissap ukiup siuliata naannginnerani aalajangerneqassaaq. Ataatsimoorussamik nunaqarfinni aqutsisunik qinersineq siulleq 2009-mi aprilimi ingerlanneqassaaq.
Imm. 2. Nunaqarfiit avinngarusimavissut nunaqarfiilluunniit inuttuut pillugit imm. 1-mi, oqaaseqatigiit aappaanni piumasaqaammut atatillugu Naalakkersuisut immikkorluinnaq pisuni immikkut akuersissuteqarsinnaapput. Naalakkersuisut aalajangiinerminni kommunalbestyrelse pineqartoq nunaqarfinnit marlunnit amerlanerusunik nunaqarfeqarpat qanoq annertutigisumik ataatsimoorussamik nunaqarfinni aqutsisuliisimanersut pingaartissinnaavaat.
Imm. 3. Ataatsimoorussamik nunaqarfinni aqutsisunik qinersineq pissaaq kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit inatsisartut inatsisaanni malittarisassat naapertorlugit. Ataatsimoorussamik nunaqarfinni aqutsisunik qinersinermi, imm. 1 naap., ataatsimoorussamik nunaqarfinni aqutsisunut ilaatinneqartut nunaqarfiit qinersivittut ataasiusutut isigineqassapput."
Allannguutissatut siunnersuummut nassuiaatit
Nalinginnaasumik nassuiaatit
Nunaqarfinnit ikinnerpaamik marlunnit ataatsimoorussamik nunaqarfinni aqutsisoqarnissamik piumasaqaammit immikkorluinnaq ittumik immikkut akuersissummik angusaqarnissamut allannguutissatut siunnersuutikkut kommunalbestyrelse periarfissinneqassaaq. Nunaqarfiit avinngarusimasunit avinngarusimanerusut pillugit immikkorluinnaq pisuni Naalakkersuisut tamatumannga immikkut akuersissuteqarsinnaassasut taamaalilluni siunnersuutigineqarpoq.
Nunaqarfinnut allanut sanilliullugu nunaqarfik ima ungasitsigippat nunaqarfiit allat ilanngullugit ataatsimoorussamik nunaqarfinnut aqutsisulinnut ilaatinneqartariaqarani, tamatumani innimi-giniarneqarpoq.
UKA 2007/30-ip aappassaaneerneqarnerani Inatsisartut allannguutissatut siunnersuut akuersis-sutigisaat nunaqarfinni aqutsisoqarnerup ilaasortat amerlassusii affaannanngorlugit ilusilittut qulak-keerneqarnissaanik ilaatigut siunertaqarpoq. Taamaattumik kommunalbestyrelse pineqartoq ataatsimoorussamik nunaqarfinnut aqutsisunik nunaqarfinnit marlunnit amerlanerusunit peqataaffigineqartumik qanoq annertutigisumik katiterisimanera immikkut akuersissuteqarnermik nalunaaruteqarnissamik aalajangiinermi Naalakkersuisunit pingaartinnaassasoq siunnersuutigineqarpoq. Taamaalilluni aallaavissaajuassaaq nunaqarfinnut aqutsisut ataatsimut amerlassusiisa affaannanngortinneqarnissaat.
Allannguutissatut siunnersuutip aqutsinikkut kinguneqaatissai:Allannguutissatut siunnersuut aqutsinikkut kinguneqaateqassanngilaq.
Allannguutissatut siunnersuutip aningaasaqarnikkut kinguneqaatissai:Allannguutissatut siunnersuut ima aqutsivigineqassasoq naatsorsuutigineqarpoq, aningaasartuuteqaataassanani.
Aalajangersakkanut ataasiakkaanut nassuiaatit
Nr. 1-mutNunaqarfiit ikinnerpaamik marluuppata ataatsimoorussamik nunaqarfinnut aqutsisunik pilersitsinissamik piumasaqaammit immikkut akuersissinnaanerup anguneqarnissaa allannguutissatut siunnersuutikkut ajornarunnaasaaq. Taamaalilluni nunaqarfiit avinngarusimasumit avingarusimanerusut pillugit immikkorluinnaq pisuni Naalakkersuisut immikkut akuersissuteqarsinnaassapput.
Nunaqarfiit marlunnit amerlaneruppata kommunalbestyrelse pineqartoq ataatsimoortumik nunaqarfinnut aqutsisunik qassinik katiterisimanersoq immikkut akuersissuteqarnermik aalajangiinermi Naalakkersuisut pingaartitsisinnaavaat. Ataatsimoortumik nunaqarfinnut aqutsisusunik pilersitsineq nunaqarfiit aqutsissuisa maannakkut amerlassusiinik affaannanngortitsisoqassasoq minnerpaamik anguniartariaqarpoq.