6. november 2007 UKA 2007/30
Kommunini suliassaqarfiit aaqqissuuteqqinneqarnerat pillugu inatsisartut inatsisaannut nr. xx, yy -meersooq
allannguutissatut siunnersuut.
Aappassaaneerneqarnissaanut Naalakkersuisunit saqqummiussaq.
§ 2-mut1. § 2, imm. 1, oqaaseqatigiit pingajuat, imatut oqaasertaqassaaq:
"Kujataata kommuniani Qeqqatalu kommuniani kommunalbestyrelsit 15-inik ilaasortaqarput. Avannaani aamma Tunup/Kitaata kommuniani kommunalbestyrelsit 21-nik ilaasortaqarput. Ileqquusumik kommunalbestyrelsinut qinersinerni, 2008-p kingorna pisussani, kingusinnerpaamik ukiup qinersiffiusussap siuliata naannginnerani kommunalbestyrelsi aalajangersinnaavoq Kujataani kommunimi aamma Qeqqani kommunimi ilaasortat amerlassusaat 15-inik ikinnerussasut aamma Avannaani aamma Tunup/Kitaata kommuniani 21-nik ikinnerussasut. Ilaasortat amerlassusaat akunnattuussapput aqutsinermilu malittarisassatigut aalajangersarneqarsimassallutik."
§ 4-mut2. § 4, imm. 1, imatut oqaasertaqassaaq:
"Kommunimi qinersinerup inerneri qinersinermik siulersuisunit Qinersinermut Ataatsimiititaliamut nassiunneqassapput, taassumalu kommunimi kattunneqartumi taasinerit naatsorsussavai makkununnga agguataarlugit
1) partiit ataasiakkaat taakkualu qinigassanngortitaat
2) kattusseqatigiit ataasiakkaat qinigassanngortitaat
3) kisimiillutik qinigassanngortittut ataasiakkaat
Tamanna tunngavigalugu kommunimi nutaami inerneq tamarmiusoq Qinersinermut Ataatsimiititaliap naatsorsussavaa. Ilaasortaaffiit Qinersinermut Ataatsimiititaliap d’Hondtip periaasaa malillugu agguataassavai, tassa partiit immikkuutaarlutik ataasiakkaat, kattusseqatigiit immikkuutaarlutik ataasiakkaat aamma kisimiillutik qinigassanngortittut ataasiakkaat taasinerit pissarsiaat 1-imik, 2-mik 3-mik il.il. kommunalbestyrelsimi ilaasortat qinerneqartussat amerlassusaat tikillugit agguarneqassallutik. Tamanna pereerpat ilaasortaaffik siulleq tutsinneqassaaq partiimut, kattusseqatigiinnut imaluunniit kisimiilluni qinigassanngortittumut kisitsimmik agguaanerup inerneranik qaffasinnerpaamik pissarsisumut, ilaasortaaffiup aappaa partiimut, kattusseqatigiinnut imaluunniit kisimiilluni qinigassanngortittumut kisitsimmik agguaanerup inerneranik qaffasinnerpaap tullianik pissarsisumut ilaasortaaffiit tamarmik agguataarneqarserlugit. Kisimiilluni qinigassanngortittoq ilaasortaaffimmik ataasiinnarmik pissarsisinnaavoq."3. § 4, imm. 2, oqaaseqatigiit siulliat, imatut oqaasertaqassaaq:
"Imm. 2. Kommuniusimasuni kommunimi nutaami ilaasuni ataasiakkaani tamani kommunip nutaap kommunalbestyrelsiani ilaasortat ilaat ataaseq nunami sumiiffiup sinniisaatut qinigaassaaq."
§ 8-mut4. Paragraffi imatut oqaasertaqassaaq:
"§ 8. Ataatsimoorussanik nunaqarfinni aqutsisunik qinersisoqassaaq. Kommunip ataatsip iluani ataatsimoorussamik nunaqarfinni aqutsisut minnerpaamik nunaqarfiit marluk ilaassapput. Nunaqarfiit sorliit ataatsimoorussamik nunaqarfinni aqutsisoqassanersut ilaasortallu qassit qinerneqassanersut kommunalbestyrelsimit aalajangiiffigineqassapput. Tamanna pillugu aalajangiineq ataatsimoorussamik nunaqarfinni aqutsisunik qinersinissap ukiup siuliata naannginnerani aalajangerneqassaaq. Ataatsimoorussamik nunaqarfinni aqutsisunik qinersineq siulleq 2009-mi aprilimi ingerlanneqassaaq.
Imm. 2. Ataatsimoorussamik nunaqarfinni aqutsisunik qinersineq pissaaq kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit inatsisartut inatsisaanni malittarisassat naapertorlugit. Ataatsimoorussamik nunaqarfinni aqutsisunik qinersinermi, imm. 1 naap., ataatsimoorussamik nunaqarfinni aqutsisunut ilaatinneqartut nunaqarfiit qinersivittut ataasiusutut isigineqassapput."
§ 12-mut5. § 12, imm. 2, peerneqarpoq.
§ 13-imut6. § 13, imm. 1-2, imatut oqaasertaqassapput:
"Ikaarsaariarnermi Ataatsimiititaliap aningaasanut missingersuusianut siunnersuutaa Ikaarsaariarnermi Ataatsimiititaliap siulittaasuata suliarissavaa saqqummiutissallugulu kingusinnerpaamik 14. juli 2008-mi.
Imm. 2. Aningaasanut missingersuusiaq kommunalbestyrelsit, nunaqarfinni aqutsisut il.il. pillugit §§ 39-mi aamma 40-mi aalajangersakkat malillugit ikaarsaariarnermi Aataatsimiititaliamit suliarineqarlunilu akuersissutigineqassaaq kingusinnerpaamik 14. august 2008."
§ 16-imut7. § 16, imm. 1, imatut oqaasertaqassaaq:
"Ikaarsaariarnermi Ataatsimiititaliap suliassaasa pingaarnersaraat kommunit kommuninut nutaanut kattunneqarnissaasa piareersarneqarnera, § 1 naap. Inatsisini oqartussaaffigisassatut aalajangersarneqarsimasut januarip aallaqqaataanit 2009-imiit atuutilersumik kommuninit nutaanit isumagineqarnissaannut pisariaqartut Ikaarsaariarnermi Ataatsimiititaliamit aalajangersarneqassapput."
§ 21-mut8. § 21 imm. 2 aamma 3 peerneqarpoq., Imm. 4 tamatuma kingorna imm. 2-nngorpoq.
§ 32-mut9. Nr. 3 peerneqarpoq aamma nr. 4 tamatuma kingorna nr. 3-nngorluni.
Allannguutissatut siunnersuummut oqaaseqaatit
Nalinginnaasumik oqaaseqaatit
Inatsisartut inatsisissaattut siunnersuummut allannguutissatut siunnersuummik saqqummiussineq Aaqqissuussaanermik Iluarsaaqqinnermut tunngatillugu Inatsisartuni Ataatsimiititaliaagallartup siunnersuutip aappassaaneerneqarnissaanut nalunaarusiaani oqaaseqaatinik kaammattuutinillu tunngaveqarpoq.
Allannguutissatut siunnersuut inatsisiliornikkut kukkunersiorneqarsimavoq.
Allannguutissatut siunnersuutip allaffissornikkut kingunissai:Allannguutissatut siunnersuut allaffissornikkut kinguneqartitsissanngilaq, ataatsimoorussamik nunaqarfinni aqutsisunik qinersititsinerup malitsigisaanik kingunerisassai eqqaassanngikkaanni.
Allannguutissatut siunnersuutip aningaasaqarnikkut kingunissai:Inatsisissatut aallaqqaammut Naalakkersuisut siunnersuutaannut naleqqiullugu kommunalbestyrelsimut ilaasortanik ikileriarfiusuni kommuninut aningaasartuutit minnerulernissaat naatsorsuutigineqarpoq, kommuninili ilaasortat amerleriarfiusuni aningaasartuutit qaffariassallutik. Ataatsimut isigalugu inatsisissatut aallaqqaammut Naalakkersuisut siunnersuutaannut naleqqiullugu inuit qinigaat sisamat tikillugu annertunerusumik aningaasartuuteqarfiusussat pineqarput.
Maannakkut nunaqarfinni aqutsisunut aningaasartuutit siusinnerusukkut ukiumut 15 mio. kr.-init missaaniittutut nalilerneqarsimapput. Allannguutissatut siunnersuutip malitsigisaanik ullumikkumut naleqqiullugu nunaqarfinni aqutsisut amerlassusaat affaannanngortinneqassapput, tassa nunaqarfiiit minnerpaamik marluk ataatsimoorussamik nunaqarfinni aqutsisoqalissammata. Taamaalilluni aamma nunaqarfiit marlunnik amerlanerusut ataatsimoorussamik nunaqarfinni aqutsisoqalernissaat eqqarsaatigineqarsinnaalluni.
Aallaaviusutut taamaattumik naatsorsuutigineqarpoq ullumikkut pissutsinut naleqqiullugu nunaqarfinni aqutsisunut aningaasartuutini sipaartoqassasoq.
Inatsisissatut aallaqqaammut Naalakkersuisut siunnersuutaannut naleqqiullugu sipaarutit erseqqinnerusumik oqaatigiuminaapput, tassa sumiiffinni siunnersuisoqatigiinnik pilersitsinissamut apeqqutaassammat tamanna pillugu kommunit siunissami nammineq aalajangernissaat. Ilimanarporli ataatsimoorussamik nunaqarfinni aqutsisut amerlassusaasa killeqartinneqarnissaat pillugu allanguutissatut siunnersuummi aalajangersakkamiit sumiiffinni siunnersuisoqatigiinnik pilersitsineq annertunerussasoq. Taamaattumik allannguutissatut siunnersuut nalilerneqarpoq Naalakkersuisut aallaqqaammut siunnersuutaannut naleqqiullugu sipaarutinik kinguneqassasoq.
Kiisalu akissarsiat ikilisinneqarnissaat pillugu § 12, imm. 2-p peerneqarnissaanik allannguutissatut siunnersuummi aalajangersakkap Naalakkersuisut aallaqqaammut siunnersuutaannut naleqqiullugu annertunerusumik aningaasartuuteqarnissaq kingunerissavaa.
Inatsisissatut siunnersuummi aalajangersakkanut ataasiakkaanut oqaaseqaatit
Nr. 1-imutAaqqissuussaanermik Iluarsaaqqinnermut tunngatillugu Inatsisartuni Ataatsimiititaliaagallartup nalunaarutaani kaammattuummut allannguutissatut siunnersuut akuersivoq.
Nr. 2-mutNaalakkersuisut aallaqqaammut siunnersuutaannut naleqqiullugu kommunalbestyrelsimi ilaasortat amerlassusaasa allanngortinneqarnerisa kingunerisaanik allannguutissatut siunnersuusiortoqarpoq.
Nr. 3-mutNaalakkersuisut aallaqqaammut siunnersuutaannut naleqqiullugu kommunalbestyrelsimi ilaasortat amerlassusaasa allanngortinneqarnerisa kingunerisaanik allannguutissatut siunnersuusiortoqarpoq.
Nr. 4-mutAaqqissuussaanermik Iluarsaaqqinnermut tunngatillugu Inatsisartuni Ataatsimiititaliaagallartup nalunaarutaani kaammattuummut allannguutissatut siunnersuut akuersivoq.
Kommunalbestyrelsinut, nunaqarfinni aqutsisunut ilagiillu sinniisaannut qinersisarnerit pillugit inatsisartut inatsisaanni malittarisassat atuuttut naapertorlugit Naalakkersuisut taakkuupput, kommuninik siumoortumik tusarniaareernerup kingorna nunaqarfiit sorliit nunaqarfinni aqutsisunik qinersinissaannik kiisalu nunaqarfinni ataasiakkaani ilaasortat qassit qinerneqarnissaannik aalajangersaasussat.
Allannguutissatut siunnersuutikkut aalajangersarneqarpoq siunissami kommunalbestyrelsi tassaassasoq nunaqarfiit sorliit ataatsimoorussamik nunaqarfinni aqutsisunik qinersinissaannik kiisalu tassani ilaasortat qassit qinerneqarnissaannik aalajangersaasussat. Allannguutissatut siunnersuutip malitsigisaanik 2009-mi aprilimi ataatsimoorussamik nunaqarfinni aqutsisunik qinersinissaq siunertaralugu 2008-ip naannginnerani aalajangerneq siulleq kommunalbestyrelsinit (ikaarsaariarnermi ataatsimiititalianit) aalajangiiffigineqassaaq.
Ataatsimoorussamik nunaqarfinni aqutsisunik qinersinerup ingerlanneqarnerani nunaqarfiit ataatsimoorussamik nunaqarfinni aqutsisussanut ilaatinneqartut qinersiviussapput ataaseq. Tamanna ilatigut isumaqarpoq nunaqarfiit arlaanni ataatsimi najugaqartoq qinersisartoq qineqqusaartumik ataatsimoorussamik nunaqarfimmi aqutsisunut ilaatinneqartumi nunaqarfimmi allami najugaqartumut taasisinnaasoq.
Kommunalbestyrelsinut, nunaqarfinni aqutsisunut il.il. pillugit inatsisartut inatsisaanni malittarisassat malillugit ataatsimoorussamik nunaqarfinni aqutsisut suleriaasissaannik kommunalbestyrelsit aalajangersaasussaapput.
Nr. 5-imutAaqqissuussaanermik Iluarsaaqqinnermut tunngatillugu Inatsisartuni Ataatsimiititaliaagallartup nalunaarutaani kaammattuummut allannguutissatut siunnersuut akuersivoq.
Nr. 6-imutAaqqissuussaanermik Iluarsaaqqinnermut tunngatillugu Inatsisartuni Ataatsimiititaliaagallartup nalunaarutaani kaammattuummut allannguutissatut siunnersuut akuersivoq. Naalakkersuisut aallaqqaammut siunnersuutaannut naleqqiullugu missingersuutinut siunnersuusiornissamut taakkulu suliarinissaannut piffissaliussat ullunik 14-inik sivitsorneqarput.
Nr. 7-imutIkaarsaariarnermi ataatsimiititaliap suliassaa tassaasoq januaarip aallaqqaataani 2009-mi kommunit nutaat pilersinneqarnerini ingerlatsisinnaanerisa qulakkeerneqarnissaat aalajangersakkami erseqqissarneqarpoq. Ikaarsaariarnermi ataatsimiititaliat aalajangerneri taamaalilluni piffissami pilersitsiffiusumiit allaffissornikkut, aaqqissuussaanikkut, aningaasaqarnikkullu kommunit suliassaqarfiinik kommunit nutaat pisariaqartutigut isumaginnissinnaanerinik ingerlatassanut suliassanullu siullermik tunngassuteqassapput.
§ 16-imi aalajangersakkat nalinginnaasut saniatigut inatsisissartut siunnersuummiipput ikaarsaariarnermi ataatsimiititaliat suliassaat pillugit §§ 17-22-mi immikkut aalajangersakkat.
Nr. 8-mutAaqqissuussaanermik Iluarsaaqqinnermut tunngatillugu Inatsisartuni Ataatsimiititaliaagallartup nalunaarutaani kaammattuummut allannguutissatut siunnersuut akuersivoq.
Nr. 9-mutNaalakkersuisut aallaqqaammut siunnersuutaanni tunngavigineqartumik nunaqarfinni aqutsisut sumiiffinni siunnersuisoqatigiinnik taarserneqannginnissaasa kingunerisaanik allannguutissatut siunnersuusiortoqarpoq.