25. januar 2007 UPA 2007/31
Inatsisissatut siunnersuummut nassuiaatit
Nassuiaatit nalinginnaasut1. Inatsisissatut siunnersuutip tunuliaqutaa
Akileraaruserinermik ingerlatsineq pillugu inatsisartut inatsisissaattut siunnersuutip (UKA 2006/29) 2006-imi ukiakkut ataatsimiinnermi Inatsisartunit oqaluuserineqarnerani ilaatigut Atassutip oqaaseqartuata siunnersuutigaa siunnersuutip kalaallisuuani taaguut "Skatterådi" nutarterneqartariaqannginnersoq.Maannamut Skatterådimut taaguutigitinneqartup taartissaanik kalaallisut taaguuserneqarnissaanik Atassutip siunnersuutaa Inatsisartut Akileraartarnermut Akitsuusiisarnermullu Ataatsimiititaliaata ilalerlugu iluarinartippaa.
Siunnersuutip aappassaaneerneqarnerani oqaatigineqartutut Naalakkersuisut isumaqataapput kalaallisut Skatterådimik taagorneqarnera nalitsinnut naleqqutinngitsoq. Peqatigitillugu Naalakkersuisut neriorsuutigaat Oqaasileriffik erseqqinnerusumik oqaloqatigeriarlugu Skatterådip kalaallisut taaguutissaanik imaqartumik allannguutissatut siunnersuummik saqqummiussinissartik.
2. Inatsisissatut siunnersuutip imarisaa
Siunnersuutigineqarpoq taaguut "Skatterådi" inatsisip kalaallisuuani tamarmi "Akileraarusiinernik aalajangiisartut"-nik taarserneqassasoq.
3. Aningaasaqarnikkut allaffissornikkullu pisortanut sunniutissat
Aningaasaqarnikkut allaffissornikkullu siunnersuutip pisortanut taasarialinnik sunniuteqarnissaa naatsorsuutigineqanngilaq.
4. Aningaasaqarnikkut allaffissornikkullu inuussutissarsiuteqartunut sunniutissat
Aningaasaqarnikkut allaffissornikkullu siunnersuut inuussutissarsiuteqartunut sunniuteqassasorineqanngilaq.
5. Avatangiisinut pinngortitamullu sunniutissat
Siunnersuut avatangiisinut pinngortitamulluunniit sunniutissaqanngilaq.6. Innuttaasunut allaffissornikkut sunniutissat
Siunnersuut innuttaasunut allaffissornikkut sunniutissaqanngilaq.7. Naalagaaffeqatigiinnermut namminersornermullu tunngasut
Siunnersuut naalagaaffeqatigiinnermut namminersulernissamulluunniit tunngasunik imaqanngilaq.8. Pisortatut oqartussaasunik kattuffinnillu tusarniaaneq
Siunnersuutip siunnersuutigineqarnermisut teknikkikkut attuumassuteqarnera eqqarsaatigalugu tusarniaassutigineqarsimanngilaq.
Aalajangersakkanut ataasiakkaanut nassuiaatit
§ 1-imut
Nr. 1-imut
Siunnersuutigineqarpoq kalaallisut taaguut "Skatterådi" inatsimmi tamarmi allanngortinneqassasoq uunga "Akileraarusiinernik aalajangiisartut".
§ 2-mutSiunnersuutigineqarpoq inatsit atortuulissasoq ulloq 1. juli 2007.