10. oktober 2007

UKA 2007/47

 

Imermik pilersuineq pillugu Inatsisartut peqqussutaannut nr. xx-imut xx 2007-imeersumut siunnersuummut

Allannguutissatut siunnersuut

Naalakkersuisunit aappassaaniigassatut saqqummiussaq

§ 2-mut

1. § 2, nr. 1-mi ""Pilersuinermut ledningit" imatut allanngortinneqassaaq: "Ledningit pingaarnerit".

2. § 2, nr. 3-mi "maqitsiveqarfiit" imatut allanngortinneqassaaq: "illut maqitsiviit".

§ 5-mut

3. § 5, imm. 1-mi pkt. 2-tut ilanngunneqassaaq:
"Suliffeqarfiit imermik pilersuiviit ulloq unnuarlu 10 kubikmeter inorlugu pilersuisartut akuersissut pisariaqartinngilaat."

§ 13-imut

4. § 13, imm. 2-mi "paasissutissat taamaaqatai" imaalillugu allanngortinneqassaaq: "paasissutissat tassunga tunngasut".

§ 15-imut

5. §15, imm. 1, nr. 2-mi "imm. 3" peerneqassaaq.

 

Siunneersuummut oqaaseqaatit

Oqaaseqaatit nalinginnaasut

Inatsisartut pequssutissaattut siunnersuummut allannguutissatut siunnersuut pingaartumik Avatangiisinut Pinngortitamullu Pisortaqarfiup tusarniaanermut akissutaa tunngavigalugu. Avatangiisinut Pinngortitamullu Pisortaqarfiup ilaatigut malugeqquaa teknikkikkut paasinnittaatsit/oqariaatsit ersarissartariaqarmata, taamaalilluni peqqussutissatut siunnersuut inatsisinut allanut naapertuutilersillugu.

Allallannguutissatut siunnersuut inatsisip teknikkiatigut misissorneqareerpoq.

Allannguutissatut siunnersuut allaffissornikkut kinguneqassanngilaq.

Allannguutissatut siunnersuut aningaasatigut kinguneqassanngilaq.

 

Aalajangersakkanut ataasiakkaanut oqaaseqaatit

Nr. 1-imut 2-mullu

Paasinnittaatsit/oqariaatsit puullaaqissutaaqqunagit siunnersuutigineqarpoq "Pilersuinermut ledningit" allanngortinneqassasoq imaalillugu: "Ledningi pingaarneq", taanna Avatangiisinut Pinngortitamullu Pisortaqarfiup aamma Nukissiorfiit taaguutitut atugarimmassuk ledningimut imermik inerlugu suliareriikkamik imeqarfimmiit ledninginut maqitsivilinnut, illunut maqitsiveqarfinnut ikuallattoornissamullu ventiilinut ingerlatitseqqinnermi.

Tamannattaaq patsisigalugu siunnersuutigineqarpoq "maqitsiveqarfiit" imaalillugit allanngortinneqassasut: "illut maqitsiveqarfiit", tassa illut maqitsiveqarfiit Kalaallit Nunaanni nalinginnaasumik taaguutaammat.

Nr. 3-mut

Imm. 1-imut ilanngutassatut siunnersuutigineqarpoq imeqarfiit ulloq unnuarlu 10 kubikmeteri inorlugu pissarsisartut akuersissummik pisariaqanngitsut. Tamatumuunakkut peqqussutissatut siunnersuut EU-p imeq imigassaq pillugu peqqussutaanut nr. 98/83/EF-imut Avatangiisinut Pinngortitamullu Pisortaqarfiup inassutigisaatut naapertuutilissaaq.

Suliffeqarfiup imermik pilersuisup imeqarfik assiginngilaa. Suliffeqarfimmi imermik pilersuisumi ingerlatsineq ingerlatsinermi atortut ilaattut imeqarfimmut atavoq.

Nr. 4-mut

Peqqussutissatut siunnersuummi imm. 1-ip Naalakkersuisut pisinnaatippai kommuninit inuutissarsiornermilu suliffeqarfinnit paasissutissat suusulluunniit Naalakkersuisut suliassat peqqussummi taaneqartut isumaginissaannut pisariaqarsorisaasa piumanissaannut.

Unammilleqatigiinneq mianeriumallugu inassutigineqarpoq suliffeqarfiit imermik pilersuisut Naalakkersuisutulli kommuninit inuutissarsiornermilu suliffeqarfinnit paasissutissanik piumanissamut pisinnaatitaassanngitsut.

Peqqussutissatut siunnersuummi imm. 2-p oqaasiliornera taamaalilluni "paasissutissat taamaaqatai" taarserneqarlutik uannga "paasissutissat tassunga tunngasut". Oqaaseqatigiinnit "paasissutissat tassunga tunngasut" suliamut alajangersimasumut pisariaqartut pineqarput. Taamasilluni suliffeqarfiit imermik pilersuiviit killeqanngitsumik paasissutissanik piumasaqarsinnaanerat killilerniarneqarpoq, suliamut aliangersimasumut tungassuteqanngippata.

Nr. 5-imut

Allannguutikkut peqqussutissatut siunnersuummi kukkusumik innersuussineq iluarsineqarpoq. Taamaallaat teknikkikkut iluarsiineruvoq.