22. marts 2007

UPA2007/44

 

Inissiani attartortittakkani ineqarnermut akiliummut tapiissutit pillugit Inatsisartut peqqussutaata allanngortinnissaa pillugu Inatsisartut peqqussutissaattut siunnersuut.

pillugu

Inatsisartut Ilaqutariinnermut Ataatsimiititaliaata

ISUMALIUTISSIISSUTAA

Peqqussutissatut siunnersuutip aappassaaneerneqarnerani saqqummiunneqartoq

Inatsisartut Ilaqutariinnermut Ataatsimiititaliaat suliarinninnermini ukuninnga inuttaqarpoq:

Inatsisartunut ilaasortaq Olga P. Berthelsen, Inuit Ataqatigiit, Siulittaasoq
Inatsisartunut ilaasortaq Emilie Olsen, Atassut, Siulittaasup tullia
Inatsisartunut ilaasortaq Ruth Heilmann, Siumut
Inatsisartunut ilaasortaq Agnethe Davidsen, Siumut
Inatsisartunut ilaasortaq Astrid Fleischer Rex, Demokraatit

Inatsisartut Ilaqutariinnermut Ataatsimiititaliaata ulloq 14. marts 2007-imi siullermeerinninnerup kingorna siunnersuut sukumiisumik misissuataarpaa.

Ilaqutariinnermut Ataatsimiititaliap oqaaseqaatigiumasai
Siunnersuutip akuersissutigineqarnerata inissiani attartortittakkani ineqarnermut tapiissutit pillugit Inatsisartut peqqussutaanni malittarisassat malillugit aalajangikkanut naammagittaalliuutit Isumaginninnermut Naammagittaalliuuteqartarfimmut naammagittaalliuutigineqarsinnaanernerannik kinguneqarnissaa Ilaqutariinnermut Ataatsimiititaliap naammagisimaarlugu maluginiarpaa. Taamaalilluni inissiani najugallit inatsisitigut inissisimanerat siunnersuutikkut nukittorsarneqarsinnaassaaq.

Siunnersuut ilusimisut iluseqartoq akuersissutigineqassasoq Ilaqutariinnermut Ataatsimiititaliap isumaqatigiittup inassutigaa.

Taama naatsumik oqaaseqarluni Inatsisartut Ilaqutariinnermut Ataatsimiititaliaata siunnersuut aappassaaniigassanngortippaa.

 

	Olga P. Berthelsen Siulittaasoq
Emilie Olsen Siulittaasup tullia		Ruth Heilmann
Agnethe Davidsen		Astrid Fleischer Rex