7. marts 2007 UPA 2007/44
Peqqussutissatut siunnersuummut nassuiaatit
Oqaaseqaatit nalinginnaasut1. Aallaqqaasiut
Inatsisartut Ombudsmandiata Inatsisartut Naalakkersuisullu nalunaarfigaiInissiani attartortittakkani ineqarnermut tapiliutit pillugit Inatsisartut peqqussummi isumaginninnermut suliani nalinginnaasumik naammagittaalliuteqarsinnaalernerup kommuunit aalajangigaanut naammagittaalliorsinnaanermi killiliussat, inissiani attartortikkani ineqarnermut tapiliutit pillugit Inatsisartut peqqussutaat atuuttoq malillugu atorunnaarsinneqarnersut ersarluttoq.
Isumaginnittoqarfiup aqunneqarnera aaqqissuussaaneralu pillugit Inatsisartut peqqussutaanni § 8. imm. 1, naammagittaalliuteqarsinnaalernerup kingunerimmagu inissiani attartortikkani ineqarnermut tapiliutit pillugit Inatsisartut peqqussutaanni § 14-imi allassimasutut maalaaruteqarnissamut killilersuutit taamaalillutik atorunnaarsinneqarsimanersut ersernerlupput.
Inissiani attartortittakkani ineqarnermut akiliummut tapiissutit pillugit Inatsisartut peqqussutaanni § 14’p allannguutissaatut siunnersuummi qulakkeerniarneqarpoq naammagittaalliorsinnaanermut aalajangersakkap isumaginninnermut tunngasuni maalaaruteqarsinnaanermut malittarisassanit nalinginnaasunit allaanerussuteqannginnginnissaa.
2. Siunnersuummi immikkoortunut pingaarnernut nassuiaatit
Allannguutissatut siunnersuummi siunertarineqarpoq inissiani attartortittakkani ineqarnermut akiliutinut tapiliussat pillugit Inatsisartut peqqussutaanni aalajangersakkat malillugit aalajangikkanut naammagittaalliorsinnaanermut aalajangersakkap annertusitinneqarnissaa. Inatsisartut peqqussutaanni § 14’p allanngortinnerata kingunerisussaavaa isumaginninnermut tunngasunut maalaaruteqarnissamut malittarisassat nalinginnaasut aamma atorneqartalissammata inissiani attartortittakkani akiliutinut tapiissutit pillugit aalajangiisarnerni tamani.
3. Pisortanut aningaasatigut aqutsinikkullu kingunerisassat
Allannguutissatut siunnersuut pisortanut aningaasatigut aqutsinikkullu kinguneqarnavianngilaq.
4. Namminersortunut aningaasatigut aqutsinikkullu kingunerisassat
Allannguutissatut siunnersuut namminersortunut aningaasatigut aqutsinikkullu kinguneqarnavianngilaq.
5. Avatangiisitigut pinngortitamullu kingunerisassat
Allannguutissatut siunnersuut avatangiisitigut pinngortitamullu kinguneqarnavianngilaq.
6. Innuttaasunut kingunerisassat
Allannguutissatut siunersuutip nassatarisussaavaa inissiani attartortittakkani ineqarnermut akiliummut tapiissutit pillugit Inatsisartut peqqussutaanni maleruagassat malilllugit aalajangikkat suulluunniit naammagittaalliutigineqalersinnaanissaat.
7. Naalagaaffeqatigiinnermut namminersornermullu tunngasut
Allannguutissatut siunnersuut Naalagaaffeqatigiinnermut imaluunniit namminersornermik suliaqarnermut pingaaruteqanngilaq.
8. Oqartussaasut kattuffiillu tusarniaaffigineqarnerat
Allannguutissatut siunnersuut tusarniaassutigineqarnikuunngilaq matumani naammagittaalliorsinnaatitaanerup annertusineqarnissaa taamaallaat pineqarmat, tassa naammagittaalliorsinnaaneq isumaginninnermut tunngasuni naammagittaalliorsinnaanermut malittarisassanut nalinginnaasunut naapertuuttunngortillugu.
Peqqussutissatut siunnersuummi aalajangersakkanut ataasiakkaanut nassuiaatit
§ 1-imut
Nr. 1-imut
Naammagittaalliorsinnaanermik aalajangersakkap oqaasertaliornera atuuttoq killiliisuuvoq matumani aalajangiinerit kommunip missingersuutigisimasai taamaallaat isumaginninnermut maalaaruteqartarfimmut naammagittaalliutigineqarsinnaammata. Allannguinerup kingunerisussaavaa inissiani attartortittakkani ineqarnermut akiliummut tapiissut pillugu Inatisartut peqqussutaat malillugu aalajangiinerit suulluunniit Isumaginninnermut Maalaaruteqartarfimmut naammagittaaliutigineqarsinnaalissammata isumaginninnermup aqunneqarnera aaqqissuussaaneralu pillugit Inatsisartut peqqussutaanni malittarisassat malillugit.
§ 2-mutSiunnersuutigineqarpoq Inatsisartut peqqussutaat ulloq 1. juni 2007-imi atuutilissasoq.