1. februar 2007

UPA 2007/43

 

Peqqussutissatut siunnersuummut oqaaseqaatit

Oqaaseqaatit nalinginnaasut

1. Aallaqqaasiut
Naartunermi, erninermi meeravissiartaarnermilu sulinngiffeqartarneq il.il. Ullormusiaqartarnerlu pillugit Inatsisartut peqqussutaata allanngortinneqarneranik Inatsisartut peqqussutaata allanngortinneqarneranik Inatsisartut peqqussutissaatut siunnersuut, paasinarsisimammat peqqussutip kalaallisoortaani § 15 amigaataasoq.

Peqqussutissatut siunnersuutigineqartoq akuersissutigineqarsimasorlu § 15-iat taamaallaat qallunaatoortani allaqqareerpoq. Taamaammallu pisariaqarsorilerneqarpoq aalajangersagaq aammaarluni Inatsisartunut saqqummiuteqqinneqarnissaa, taamaaliornikkut aalajangersakkap kalaallisoortaa Inatsisartunut saqqummiunneqarsimanera qularnaarneqarsimalissammat.

Aalajangersakkamut siullermut sanilliullugu aalajangersagaq allanngortinneqanngilaq tassani maleruagassat naapertorlugit sulianik ingerlatsineq allanngortinneqarnavianngilaq.

2. Aningaasatigut allaffissornikkulu pisortanut kingunissai
Siunnersuut aningaasatigut allaffissornikkulu pisortat ingerlatsinerannik allannguuteqartitsinavianngilaq..

3. Inuussutissarsiornermut sulialinnut aningaasatigut allaffissornikkullu kingunissai
Siunnersuut inuussutissarsiornermik sulialinnnut aningaasatigut allaffisornikkullu kinguneqarnavianngilaq.

4. Siunnersuut avatangiisinik pinngortitamullu allannguuteqartitsisumik kingunerisinnaasai
Siunnersuut avatangiisinik pinngortitamillu allannguuteqartitsisumik kinguneqarnissaa ilimagineqanngilaq.

5. Innuttaasunut allaffissornikkut kingunerisinnaasai
Siunnersuut innuttaasunut allaffissornikkut kinguneqarnissaa ilimagineqanngilaq.

6. Allatigut malunnaatilimmik kingunerisinnaasai
Siunnersuut allatigut malunnaatilimmik kinguneqarnissaa ilimiagineqanngilaq.

7. Naalagaaffeqatigiinnermut namminiilivinnissamullu tunngasut
Siunnersuut Naalagaaffeqatigiinnermut namminersulivinnissamullu tunngasunut sunniuteqarnavianngitsoq naliliisoqarpoq.

8. Oqartussaaffinnik kattuffinnillu tusarniaaneq
Siunnersuut tusarniaassutigineqarnikuunngilaq, inatsisinik atuuttunik allanngortitsisoqanngimmat. Aalajangersakkap qallunaatoortaani 1996-meersumi qallunaatoortaa ilaareerpoq taamalu massakkut inatsisini atuuttuni ilaareerluni.

 

Siunnersuummi aalajangersakkanut ataasiakkaartunut oqaaseqaat

§ 1-imut

Nr. 1-mut

Peqqussummi § 15-ip maannakkut atuutsinneqarneranut atatillugu periusiusup atuuttup ingerlateqqinneqarnera matumani pineqarpoq.

§ 2-mut

1. juni 2007-imi peqqussutip atuutilernissaa siunnersuutigineqarpoq.