18. april 2007

UPA/07/22

 

Inissiat nammineq pigisat pillugit Inatsisartut peqqussutissaattut siunnersuut

pillugu

Inatsisartut Attaveqaqatigiinnermut Ineqarnermullu Ataatsimiititaliaata

ILASSUTITUT ISUMALIUTISSIISSUTAA

siunnersuutip pingajussaaneerneqarnerani saqqummiunneqartoq

Inatsisartut Attaveqaqatigiinnermut Ineqarnermullu Ataatsimiititaliaat suliarinninnermini ukuninnga inuttaqarpoq:

Inatsisartunut ilaasortaq Godmand Rasmussen, Atassut Siulittaasoq
Inatsisartunut ilaasortaq Olga P. Berthelsen, Inuit Ataqatigiit, Siulittaasup tullia
Inatsisartunut ilaasortaq Agnethe Davidsen, Siumut
Inatsisartunut ilaasortaq Jørgen Wæver Johansen, Siumut
Inatsisartunut ilaasortaq Palle Christiansen, Demokraatit

Siunnersuut Inatsisartunit aappassaaneerneqareermat ataatsimiititaliamut suliareqqitassanngorlugu innersuuneqarpoq.

Ataatsimiititaliap siunnersuummik suliarinninnera
Ataatsimiititaliap siunnersuummut inassuteqaatini aalajangiusimavaa. Innarluutillilli inissiaannik tunisinermut atatillugu inissianik immikkut ittunik amigaateqartoqalinnginnissaa qulakkeerneqassasoq Inuit Ataqatigiit ilaasortaatitaata Naalakkersuisunut kaammattuutigaa.

Ataatsimiititaliap inassuteqaataa

Siunnersuutip akuersissutigineqarnissaa Ataatsimiititaliap isumaqatigiittup inassutigaa.

Taama oqaaseqaateqarluni Inatsisartut Attaveqaqatigiinnermut Ineqarnermullu Ataatsimiititaliaata siunnersuut pingajussaaniigassanngortippaa.

 

	Godmand Rasmussen, Siulittaasoq
Olga P. Berthelsen Siulittaasup tullia		Agnethe Davidsen
Palle Christiansen		Jørgen Wæver Johansen