10. april 2007

UPA 2007/21

 

Uunga

allannguutissatut siunnersuut

Uunga siunnersuut: Illuliortiternernut aningaasalersuineq pillugu Inatsisartut peqqussutaat nr. x, xx 2007-imeersoq

Aappassaanneerinissamut Naalakkersuisunit saqqummiunneqartoq.

 

§ 1-imut

1. § 11, imm. 1, imatut oqaasertalerneqassaaq:
"Iluarsaassinissamut pitsanngorsaanissamullu taarsigassarsititsinermi taamaallaat inissianik, piffissami qinnuteqarfiusumi ukiut 20-t sinnerlugit pisoqaassuseqartunik, aammalu 95 kvadratmeterit sinnernagit angissuseqartunik piginnittunut taarsigassarsititsisoqarsinnaavoq."

2. § 12 imatut oqaasertalerneqassaaq:
"§ 12. Alliliinissanut taarsigassarsititsinermi taamaallaat inissianik, piffissami qinnuteqarfiusumi ukiut 20-t sinnerlugit pisoqaassuseqartunik, allilerneqannginnerminnilu 95 kvadratmeterit sinnernagit angissuseqartunik piginnittunut taarsigassarsititsisoqarsinnaavoq. Inissianut allilerneqarnermik kingorna 110 kvadratmeterit sinnerlugit angissuseqalersussanut alliliinissamut taarsigassarsisitsisoqarsinnaanngilaq."

 

Allannguutissatut siunnersuummut oqaaseqaatit

§ 1-imut

Nr. 1-imut

Aalajangersagaq oqaasertamigut erseqqissarneqarpoq, taamaalilluni aalajangersakkap inissianut, piffissami qinnuteqarfiusumi ukiut 20-t sinnerlugit pisoqaassuseqartunut atuunnera erseqqissarneqarluni.

Nr. 2-mut

Aalajangersagaq oqaasertamigut erseqqissarneqarpoq, taamaalilluni aalajangersakkap inissianut, piffissami qinnuteqarfiusumi ukiut 20-t sinnerlugit pisoqaassuseqartunut atuunnera erseqqissarneqarluni.