Ilanngussaq 1
Kommunip ulluunerani paaqqinnittarfiutaanut ileqqoreqqusat nalinginnaasut
_____________________________
(ulluunerani paaqqinnittarfiup aqqa)§ 1. Ulluunerani paaqqinnittarfik uaniittoq ______(B-nr. kiisalu najugaq sukumiisoq)_____, kommunip ulluunerani paaqqinnittarfiutaatut akuerisaavoq ulloq naallugu inissanut ____ -nut ullullu affaani inissanut ____ -nut inissalittut. Meeqqat 3-t inorlugit ukiullit innarluutillillu 6-it inorlugit ukiullit meeqqat 2-t inissaannik atuisutut isigineqarput.
Imm. 2. Ulluunerani paaqqinnittarfiup meeqqat ____-nit ____-nut ukiullit isumagisarai.
Imm. 3. Ulluunerani paaqqinnittarfik ullut tamaasa ammasarpoq nal. ____-mit nal. ____-mut. Arfininngornikkulli _______.§ 2. Kommunalbestyrelsimut qinersisoqareeraangat ulluunerani paaqqinnittarfiup siulersuisussaanik qinersineqassaaq. Siulersuisut ukiut 2-t atasassapput ukiup 1-ip qaangiunnerani affai taarserneqartarlutik. Ilaasortaq kommunalbestyrelsemit toqqagaq kommunalbestyrelsip atanera tamaat ilaasortassatut toqqagaavoq.
Imm. 2. Siulersuisut imatut inuttalersugaassapput:
1) ilaasortat ___ angajoqqaat meeqqanik ulluunerani paaqqinnittarfimmiittuuteqartut akunnerminnit qinigaat.
2) ilaasortat ___ sulisut akunnerminnit qinigaat.
3) ilaasortaq ataaseq kommunalbestyrelsemit toqqagaq.
Imm. 3. Sinniisussaq siulleq tullialu ukiut tamaasa angajoqqaat akunnerminni qinertassavaat. Sinniisussaq ataaseq ukiut tamaasa sulisut akunnerminni qinertassavaat.
Imm. 4. Qinigaaqqittoqarsinnaavoq.
Imm. 5. Sulisut sinniisaat taassumalu sinniisussaa paaqqinnittarfimmi suliunnaarsimappata, qinigaaffiup sinneranut siulersuisunut ilaasortassamik nutaamik sulisut qinersissapput.
Imm. 6. Qinersereernerit tamaasa siulersuisut inuttalersugaanerannik kommunalbestyrelsi ilisimatinneqartassaaq.§ 3. Angajoqqaat kommunalbestyrelsillu sinniisuisa akornanni siulittaasumik siulittaasullu tullianik siulersuisut namminneq qinersissapput. Tamatuma saniatigut siulersuisut allatsimik qinersissapput, taanna ulluunerani paaqqinnittarfimmut pisortaasinnaavoq. Siulittaasup najuutinnginnerani siulittaasup suliassai siulittaasup tullianit isumagineqartassapput.
Imm. 2. Siulittaasoq siulersuisunik ataatsimiigiaqqusisassaaq pisariaqarsorinninnini naapertorlugu, minnerpaamilli ukiumut 2-riarluni.
Imm. 3. Ataatsimiinnerit, allattaavinnut allattorneqartussat, siulittaasup aquttassavai. Allattaaviit assilinerat ataatsimeereernerit tamaasa Meeqqanut Kultureqarnermullu Ataatsimiititaliamut nassiunneqartassaaq.
Imm. 4. Aalajangiinerit nalinginnaasumik amerlanerussuteqarnikkut pisassapput. Taasinerit amerlaqatigiinneranni siulittaasup, taannaluunniit peqataatinnagu siulittaasup tulliata, taasinera aalajangiisuusassaaq.
Imm. 5. Siulersuisut aalajangiisinnaassuseqarput ikinnerpaamik ilaasortat affai peqataappata.
Imm. 6. Suliassat, aalajangiiffigineqarnissaminnut utaqqineqarsinnaanngitsut, siulittaasumit siulittaasullu tullianit siulersuisut sinnerlugit aalajangiiffigineqarsinnaapput. Tamatuma kingorna siulersuisut ilisimatinneqassapput.§ 4. Siulersuisut ulluunerani paaqinnittarfiup siunertaa aammalu perorsaanermik suliaqarnermi tunaartaa aalajangersassavaat. Ulluunerani paaqqinnittarfiup siunertaa kommunalbestyrelsimit akuerineqassaaq.
Imm. 2. Ulluunerani paaqqinnittarfiup illutaani atuunneraniluunniit allannguutissanik pilersaarutit kommunalbestyrelsimi aalajangiiffigineqartinnagit siulersuisunut oqaaseqaateqarfigisassanngorlugit saqqummiunneqaqqaartassapput.
Imm. 3. Siulersuisut nakkutigissavaat ulluunerani paaqqinnittarfiup isumannaatsumik aalajangersakkallu atuuttut naapertorlugit ingerlanneqartuarnissaa.
Imm. 4. Pissutsit, siulersuisunit uparuarneqartariaqartutut isumaqarfigineqartut, piaarnerpaamik kommunalbestyrelsimut imaluunniit oqartussaassuseqartunut piginnaatitaasunut allanut nalunaarutigineqartassapput.§ 5. Ulluunerani paaqqinnittarfimmi sulisut amerlassusissaattut aalajangersakkat paaqqinnittarfiup missingersuusiaani kommunalbestyrelsip akuerisaani takuneqarsinnaapput.
Imm. 2. Ulluunerani paaqqinnittarfimmi pisortaq siulersuisut kommunillu meeqqanut kultureqarnermullu ataatsimiititaliaata inassuteqarnerat tunngavigalugu kommunalbestyrelsimit atorfinitsinneqarlunilu soraarsinneqartarpoq.
Imm. 3. Sulisut allat ulluunerani paaqqinnittarfimmi siulersuisut inassuteqarnerat tunngavigalugu ulluunerani paaqqinnittarfiup pisortaanit atorfinitsinneqarlutillu soraarsinneqartarput.
Imm. 4. Siulersuisut nakkutigissavaat sulisut amerlassusissaattut aalajangersakkat malillugit atorfinitsitsinerit, kingoraartaagallartutut atorfinitsitsinerit kingoraarteqarnerillu isumaqatigiissutit atuuttut maleruaqqusatut peqqusissutaat naapertorlugit ingerlanneqarnissaat.§ 6. Siulersuisuni ilaasortat paaqqinnittarfiullu sulisui, inunnut ataasiakkaanut tunngasunik sulinertik aqqutigalugu ilisimalikkaminnik nipangiussimasariaqartunillu nipangiussisussaatitaapput. Nipangiussisussaatitaaneq pineqartoq suliunnaarnermi ilaasortaajunnaarnermiluunniit atorunnaarneq ajorpoq.
§ 7. Naatsorsuutit kommunimi naatsorsuuserinermut maleruaqqusatut aalajangersarneqarsimasut tunngavigalugit ingerlanneqassapput aammalu nakkutilliisussaatitaanermut maleruaqqusat atuuttut tunngavigalugit sukkulluunniit misissorneqarsinnaallutik.
Imm. 2. Siulersuisut ukiut tamaasa ukiumut naatsorsuiffimmut tulliuttumut missingersuutinik suliaqartassapput pisortaasup siunnersuusioreerneratigut. Missingersuutit suliarineqartassapput kommunip missingersuusiornermut aalajangersagai malillugit _______ nallertinnagu.§ 8. Ulluunerani paaqqinnittarfiit aqunneqarnerat, siulersugaanerat ingerlanneqarnerallu pillugit Namminersornerullutik Oqartussat nalunaarutaat nr. 5, 16. april 2007-imeersoq ileqqoreqqusamut uunga ilanngunneqarpoq.
§ 9. Ileqqoreqqusami matumani allannguutissat kommunalbestyrelsimit akuerineqaqqaarlutik atulersinnaapput.
§ 10. Ileqqoreqqusaq manna atulerpoq _______. Taarserpaa ileqqoreqqusaq ______-meersoq.
______________ kommuniani kommunalbestyrelsi
Ulloq _______ 20___
__________________________________
Borgmester
_____________________________________ siulersuisui
(ulluunerani paaqqinnittafiup aqqa)
Ulloq ______ 20___
___________________________________
Siulittaasoq