Unammilleqatigiinnermut Ataatsimiititaliaq pillugu Namminersornerullutik Oqartussat nalunaarutaat nr. 1, 2. februar 2007-imeersoq
Unammilleqatigiinneq pillugu Inatsisartut inatsisaanni nr. 28-mi, 30. oktober 1992-imeersumi § 4, imm. 4 naapertorlugu aalajangersarneqarput:
Kapitali 1
Unammilleqatigiinnermut Ataatsimiititaliaq§ 1. Unammilleqatigiinneq pillugu Inatsisartut inatsisaata taannalu naapertorlugu maleruagassiarineqartut aqunneqarnissaat Unammilleqatigiinnermut Ataatsimiititaliap akisussaaffigaa.
§ 2. Unammilleqatigiinnermut Ataatsimiititaliaq 1-imik siulittaasoqartinneqarpoq 6-inillu ilaasortaqarluni. Siulittaasoq piffissamut aalajangersimanngitsumut Naalakkersuisunit toqqarneqartassaaq. Ilaasortat sinneri piffissami ukiuni 4–ni atasussatut Naalakkersuisunit toqqarneqartassapput, takuuk unammilleqatigiinneq pillugu inatsisartut inatsisaanni § 4, imm. 2.
Imm. 2. Ilaasortat inuussutissarsiornermi pissutsinut tamatigoortumik ilisimasaqassapput, taamatuttaarlu inatsisilerinermut, aningaasarsiornermut, aningaasalersuisarnermut aamma atuisunut tunngasunut pissutsinut. Siulittaasoq aamma ataatsimiititaliap ilaasortai 3–t inuussutissarsiutinut soqutigisanut attuumassuteqassanngillat, takuuk unammilleqatigiinneq pillugu inatsisartut inatsisaanni § 4, imm. 2..
Imm. 3. Ilaasortaq toqqagaanermi nalaani inuussutissarsiutini soqutigisanut attuumassuteqanngitsoq atuuffimmi nalaani inuussutissarsiutitut suliffeqarfinni imaluunniit inuussutissarsiutitigut soqutigisaqaqatigiiffinni taamatut attuumassuteqalissagaluaruni, taamaalillunilu attuumassuteqannginnissamut piumasaqaatinik eqqortitsisinnaajunnaarluni, taava ilaasortaq Unammilleqatigiinnermut Ataatsimiititaliamit tunuassaaq. Kingorna ilaasortaagaluartup atuuffigisaata sinneranut Naalakkersuisut ilaasortassamik nutaamik toqqaassapput, takuuk imm. 1, oqaaseqatigiit pingajuat.
Kapitali 2
Piginnaatitsineq§ 3. Suliat sorliit suliarineqartarnissaannut Unammilleqatigiinnermut Ataatsimiititaliaq nammineerluni aalajangersaasussaavoq, inatsimmi pissutsit ilaatinneqartut pillugit naammagittaalliuteqaraluarpat allanilluunniit saaffiginnissuteqartoqarsimagaluarpat, takuuk unammilleqatigiinneq pillugu inatsisartut inatsisaanni § 4, imm. 1.
Imm. 2. Unammilleqatigiinnermut Ataatsimiititaliaq pisortaqarfimmut tamatumunnga oqartussaasumut unammilleqatigiinnermut ajoqutaasumik sunniutaasinnaasut tikkuarneqarnissaat siunertaralugu aalajangiissaaq, takuuk Unammilleqatigiinneq pillugu inatsisartut inatsisaanni § 16.§ 4. Paasissutissanik piniarnissaq pisariaqartinneqarpat suliap ingerlanneqarnerata kinguartinneqarnissaa Unammilleqatigiinnermut Ataatsimiititaliap aalajangiiffigisinnaavaa, taamatuttaaq ataatsimiititaliap suliarinninnissaanut immikkut paasisimasalinnik peqataasoqarnissaa ataatsimiititaliap piumasarisinnaallugu. Immikkut ilisimasallit suliariniakkami peqataaffigisassaminnut attuumassuteqartut suliffeqarfinnut suliffeqarfiilluunniit kattuffiinut suliariniakkamut attuumassuteqartunut soqutigisaqassanngillat attuumassuteqassanatillu.
§ 5. Unammilleqatigiinneq pillugu inatsisartut inatsisaanni § 5, imm. 4 naapertorlugu Unammilleqatigiinnermut Ataatsimiititaliap isumaqatiigiissutit akuersissutillu nalunaarutigineqarnerannut malittarisassat sukumiinerusut aalajangersartassavai, unammilleqatigiinneq pillugu inatsisartut inatsisaanni § 5, imm. 1 naapertorlugu tunitsiveqarfimmi naalagaaniartoqartillugu naalagaaniartoqarsinnaasoqartilluguluunniit. Malittarisassat tusagassiutitigut Unammilleqatigiinnermut Ataatsimiititalialluunniit nittartagaatigut tamanut saqqummiunneqassapput (www.unamminneq.gl).
§ 6. Unammilleqatigiinnermut Ataatsimiititaliap aalajangiineri tamanut saqqummiunneqarsinnaapput, takuuk unammilleqatigiinneq pillugu inatsisartut inatsisaanni § 8. Unammilleqatigiinnerli pillugu inatsisartut inatsisaanni § 16 naapertorlugu ataatsimiititaliap pisortanut oqartussaasunut saaffiginnissutai tamatigut tamanut saqqummiunneqartassapput.
§ 7. Unammilleqatigiinnermut Ataatsimiititaliaq suliani pillugit Naalakkersuisunut ukiumoortumik nalunaarusiortassaaq. Nalunaarusiaq nalunaarusiamut tunngassuteqartup ukiup qaammatisiuteqarfiup kingorna 1. juli nallertinnagu Naalakkersuisuneereertassaaq.
§ 8. Unammilleqatigiinnermut Ataatsimiititaliaq unammilleqatigiinneq pillugu inatsisartut inatsisaanni nalunaarummilu matumani killissarititat iluanni ataatsimiititaliap sulianik suliarinnittarnissaanut nammineerluni suleriaasissaminik aalajangersaasinnaavoq, taamatuttaaq allattoqarfiup suliassanik piareersaanissaanut, suliap suliarineqarnissaanut peqataanissamut kingornalu suliap suliarineqarnissaanut maleruagassanik.
§ 9. Unammilleqatigiinnermut Ataatsimiititaliap suliamik suliarinninneranut atatillugu, unammilleqatigiinneq pillugu inatsisartut inatsisaannik unioqqutitsisoqarsimaneranik unnerluussinissaq siunertaralugu, unnerluussisussaatitaasunut saaffiginnissuteqarnissaq aalajangersinnaavaa, takuuk Unammilleqatigiinneq pillugu inatsisartut inatsisaanni § 19.
§ 10. Unammilleqatigiinnermut Ataatsimiititaliap, unammilleqatigiinneq pillugu inatsisartut inatsisaanni § 18-imi pissutsit pillugit taaneqartutuut suliffeqarfiit ullormoortunik sapaatip akunneranoortunilluunniit pinngitsaaliissutitut akiliisussanngortinneqartarnissaat aalajangiiffigisinnaavaa.
Kapitali 3
Unammilleqatigiinnermut Ataatsimiititaliap ataatsimiittarneri§ 11. Unammilleqatigiinnermut Ataatsimiititaliap siulittaasua ataatsimiinnissat piffissartaannik aalajangersaasassaaq tamatumunngalu atatillugu ataatsimiinnissami oqaluuserisassanik aalajangersaasinnaalluni allannguuteqartitsisinnaallunilu. Ataatsimiinnermuttaaq atatillugu siulittaasoq taasissutigisassanik saqqummiussaqarsinnaavoq ataatsimiititaliallu isumaqatigiinniarnerani inerniliisinnaalluni.
Imm. 2. Suliani kinguartinneqarsinnaanngitsuni ataatsimiititaliallu ataatsimiinnissaannut utaqqissunneqarsinnaanngitsuni siulittaasoq ilaasortat sinneri isumasioqatiginerisigut nammineerluni aalajangiisinnaatitaavoq.
Imm. 3. Pappiaqqat allakkat aatsaat ataatsimiinnissami agguaanneqarnissaat, pappiaqqallu tunniunneqartut ataatsimiinnerup naammassineqarnerani uterteqqinneqarnissaat Siulittaasup aalajangersinnaavaa.
Kapitali 4
Taasisarnermut maleruagassat§ 12. Unammilleqatigiinnermut Ataatsimiititaliaq aalajangiisinnaassuseqartassaaq, ikinnerpaamik ilaasortat affaat najuukkaangata.
Imm. 2. Unammilleqatigiinnermut Ataatsimiititaliaq nalinginnaasumik amerlanerussuteqarnikkut aalajangeersaasassaaq. Pisuni taasinerit amerlaqatigiikkaangata, siulittaasup taasinera aalajangiisuusassaaq. Siulittaasoq pisinnaassanngikkaluarpat ataatsimiititaliamilu ilaasortat akornanni taasinermi amerlanerussuteqartoqarsinnaanngikkaangat, suliaq ataatsimiinnissamut tullermut kinguartinneqassaaq.
Kapitali 5
Suliami peqataasinnaannginneq§ 13. Unammilleqatigiinnermut Ataatsimiititaliami ilaasortaasoq suliami peqataasinnaassanngikkaluaruni aalajangiinernut, aalajangiinerni peqataanernut sulianiluunnit allani peqataasinnaassanngilaq, ilaasortaq suliami illuinnarsiunngikkuni peqataasinnaassuseqanngikkuniluunniit. Pineqartup suliami peqataasinnaannginneranut aalajangiinissami Pisortat ingerlatsineranni suliassat suliarineqartarnerat pillugu Inatsisartut inatsisaanni maleruagassat tamatumunnga tunngatinneqartut atuutsinneqassapput.
Imm. 2. Ilaasortaq pissutsinik pineqartup kinaassusersiorsinnanngissusianik imaluunniit suliami peqataasinnaannginneranik nalornissutiginnilersitsisinnaasumik ilisimannilersoq, tamanna pillugu allattoqarfimmut piaartumik ilisimatitsissaaq.
Kapitali 6
Nipangiussisussaatitaaneq§ 14. Unammilleqatigiinnermut Ataatsimiititaliami ilaasortat kiisalu § 4-mi immikkut ilisimasallit taaneqartut Pisortat ingerlatsineranni suliassat suliarineqartarnerat pillugu Inatsisartut inatsisaanni maleruagassat naapertorlugit nipangiussisussaatitaapput. Nipangiussisussaatitaaneq paasissutissanut tamanut, pineqartup Unammilleqatigiinnermut Ataatsimiititaliami atuunnerminut atatillugu ilisimaligaanut atuuppoq, tassunga ilaallutik assersuutigalugu suliffeqarfiit aningaasaqarnikkut niuernikkullu pissutsinut tunngasut pillugit paasissutissat, kiisalu paasissutissat allat suliffeqarfimmut pineqartumut pingaaruteqartut.
Kapitali 7
Allattoqarfimmit sullinneqarneq§ 15. Unammilleqatigiinnermut Ataatsimiititaliamut allattoqarfeqarpoq.
Imm. 2. Unammilleqatigiinnermut Ataatsimiititaliap allattoqarnikkut suliassaatai Unammilleqatigiinnermut Ataatsimiititaliamut aamma Atuisartut Siunnersuisoqatigiivinut ataatsimoortumik Allattoqarfiup isumagisarsinnaavai.
Imm. 3. Allattoqarfiup ataatsimiititaliamut sullissineranut atatillugu Unammilleqatigiinnermut Ataatsimiititaliamut piginnaatitsissutitut ilitsersuutit atuutissapput, tak. § 8.
Kapitali 8
Atuutilerfissaa§ 16. Nalunaarut una 1. januar 2007-imi atuutilerpoq.
Namminersornerullutik Oqartussat, ulloq 2. februar2007
Siverth K. Heilmann/
Peter Hansen