2. november 2006 UKA 2006/18
Allannguutissatut siunnersuut
uunga
Uunga siunnersuut: Inatsisartut Naalakkersuisullu pillugit Inatsisartut inatsisaata allanngortinneqarnera pillugu Inatsisartut inatsisaat nr. xx, xx. Xxxx-imeersoq
Naalakkersuisunit aappassaanniigassanngorlugu saqqummiunneqartoq.
§ 1-imut
§ 1, nr. 1 imatut oqaasertalerneqassaaq:
"1. § 16-ip kingorna ilanngunneqassapput:
"§ 16 a. Aktiateqarluni ingerlatseqatigiiffinni Namminersornerullutik Oqartussanit tamakkiisumik ilaannakuusumilluunniit pigineqartuni aningaasaliinissamik qularnaveeqqusiinissamilluunniit allatulluunniit aningaasatigut iluaqusiinissanik pingaarutilinnik siunnersuutinik qinnuteqaatinilluunniit ataatsimiititaliap suliarinninnerani atugassatut ingerlatseqatigiiffimmit pineqartumit, pisariaqarpat aktieselskabit pillugit inatsimmi ingerlatseqatigiiffiulluunniit malittarisassaanni periarfissiissutaasut atornerisigut, paasissutissanik erseqqinnerusumik nalunaakkanik pissarsiniarnissamik Aningaasaqarnermut Ataatsimiititaliap Naalakkersuisut peqqusinnaavai. Ataatsimiititaliap kaammattuineratigut paasissutissat Naalakkersuisut pissarsiatik kinguarsaanertaqanngitsumik ataatsimiititaliamut atugassanngortissavaat.
Imm. 2. Paasissutissat ataatsimiititaliamit pisariaqartutut nalilerneqartut tigunissaata tungaanut siunnersuutinik qinnuteqaatinilluunniit imm. 1-imi taaneqartunik suliarinninnini ataatsimiititaliap unitsikkallarsinnaavaa.
Imm. 3. Paasissutissat isertuussassatut tunniunneqarsimappata ataatsimiititaliami ilaasortat allallu ataatsimiititaliap oqaluuserinninnerani najuuttut imm. 1 naapertorlugu ataatsimiititaliami ilisimalikkaminnik isertuussinissaminnut pisussaatitaapput. Nutaatut ilaasortanngortoq kinaluunniit pisussaaffimmik tamatuminnga eqquutsitsinissamik uppernarsaalluni atsiussaaq.""
Oqaaseqaatit nalinginnaasut
Inatsisartut Inatsisit Atortinneqarnerannut Ataatsimiititaliaat isumaqatigiissoq isumaliutissiissummini 25. oktober 2006-imeersumi Inatsisartut Naalakkersuisullu pillugit Inatsisartut inatsisaata allanngortinneqarnera pillugu Inatsisartut inatsisissaattut siunnersuutip aappassaanneerneqarnissaanut (UPA 2006/98 aamma UKA 2006/18) Naalakkersuisunut kaammattuuteqarpoq allannguutissatut siunnersuuteqaqqullugit § 16a-p atuuffiinik annertusisitsisussamik aktiaateqarluni piginneqatigiiffimmi Namminersornerullutik Oqartussanit tamakkiisumik ilaannakuusumilluunniit pigineqartumi allatulluunniit aningaasatigut iluaqusiinissanik pingaarutilinnik aningaasaliissutissanut siunnersuutit qinnuteqaatilluunniit ilannguttussanngorlugittaaq.
Aalajangersakkanut ataasiakkaanut oqaaseqaatit
Nr. 1-imut
§16a, imm. 1. – maannakkut oqaasertai § 16a, imm. 1 – oqaasertai allanngortitat Aktieselskabini Namminersornerullutik Oqartussanit tamakkiisumik ilaannakuusumilluunniit pigineqartuni aningaasaliinissamik qularnaveeqqusiinissamilluunniit siunnersuutinik qinnuteqaatinilluunniit ataatsimiititaliap suliarinninnerani atugassatut ingerlatseqatigiiffimmit pineqartumit, pisariaqarpat aktieselskabit pillugit inatsimmi ingerlatseqatigiiffiulluunniit malittarisassaani periarfissiissutaasut atornerisigut, paasissutissanik erseqqinnerusumik nalunaakkanik pissarsiniarnissamik Aningaasaqarnermut Ataatsimiititaliap Naalakkersuisut peqqusinnaavai. Aktiaateqarluni ingerlatseqatigiiffinni Namminersornerullutik Oqartussanit tamakkiisumik ilaannakuusumilluunniit pigineqartuni aningaasaliinissamik qularnaveeqqusiinissamilluunniit allatulluunniit aningaasatigut iluaqusiinissanik pingaarutilinnik siunnersuutinik qinnuteqaatinilluunniit ataatsimiititaliap suliarinninnerani atugassatut ingerlatseqatigiiffimmit pineqartumit, pisariaqarpat aktieselskabit pillugit inatsimmi ingerlatseqatigiiffiulluunniit malittarisassaani periarfissiissutaasut atornerisigut, paasissutissanik erseqqinnerusumik nalunaakkanik pissarsiniarnissamik Aningaasaqarnermut Ataatsimiititaliap Naalakkersuisut peqqusinnaavai. Siunnersuummut ilanngunneqarpoq aammattaaq ilaasussanngorlugit "... allatulluunniit aningaasatigut iluaqusiinissanik pingaarutilinnik ..." aktiaateqarluni ingerlatseqatigiiffinnut Namminersornerullutik Oqartussanit tamakkiisumik ilaannakuusumilluunniit pigineqartunut.
Allannguutissatut siunnersuummi aningaasaliissutissanik qularnaveeqqusiissutissanillu qinnuteqaateqarnermut atatillugu aktiaateqarluni ingerlatseqatigiiffiit Namminersornerullutik Oqartussanit tamakkiisumik ilaannakuusumilluunniit pigineqartut pillugit paasissutissanik pissarsiniartarnissat pisariaqartut eqqaamaniarnissaat sillimaffiginiarneqarpoq.