Ilisimatusarfik pillugu Inatsisartut inatsisaannik allannguutissatut Inatsisartut inatsisaat nr. 17, 20. november 2006-imeersoq
(Ilisimatusarfiup ataani ilinniartitaanerit nutaat)
§ 1.
Ilisimatusarfik pillugu Inatsisartut inatsisaat nr. 16 31. oktober 1996-imeersoq makkuninnga allannguuteqartinneqassaaq:
1. § 3-p kingorna ikkunneqassaaq:
"§ 3a. Ilinniartitaanerit sivisussusii, imarisaat, fagligiusumik qaffasissusii aamma aaqqissuussaanermikkut ilusii ilusilersorneqassapput nunagisami nunallu tamalaat akornanni ilinniartitaanerit neqeroorutigineqartut naapertulersinnaaqqullugit aammalu angusimasanik ilinniarnermut allamut nuussisinnaanerit, ilinniartunik paarlaasseqatigiinnerit nunallu tamat akornanni akuerinninnerit anguneqarsinnaaleqqullugit.§ 3b. Ilisimatusarfik pisinnaatitaavoq ilinniagartuutut angusanik makkuninnga ivertitsissuteqartassalluni:
1) Bachelori, ukiunik pingasunik sivisussuseqartumik ilinniarnertut naatsorsuunneqartoq, 180 ECTS-pointinik naleqartoq.
2) Atorfininnissamut sammisumik bachelori, ukiunik pingasunik-sisamanik sivisussuseqartumik ilinniarnertut naatsorsuunneqartoq, 180-init 240-nut ECTS-pointinik naleqartoq.
3) Ilinniagartuutut diplomimik allagartartaarluni ilinniarneq, ukiumik ataatsimik sivisussuseqartumik ilinniarnertut naatsorsuunneqartoq, 60 ECTS-pointinik naleqartoq.
4) Masteri, ukiumik ataatsimik sivisussuseqartumik ilinniarnertut naatsorsuunneqartoq, 60 ECTS-pointinik naleqartoq.
5) Kandidati, ukiunik marlunnik sivisussuseqartumik ilinniarnertut naatsorsuunneqartoq, 120 ECTS-pointinik naleqartoq.
6) Ph.D., ukiunik pingasunik sivisussuseqartumik ilinniarnertut naatsorsuunneqartoq, 180 ECTS-pointinik naleqartoq."2. § 19-imi ikkunneqassaaq nr. 6-itut:
"6) Ilisimatusarfiup iluani ilinniartitaanerit akornanni aammalu Ilisimatusarfimmi ilinniartitaanerit aamma nunagisami aamma nunat tamat akornanni ilinniarfeqarfinni ilinniartitaanerit akornanni angusanik nuussisinnaaneq."
§ 2
Inatsisartut inatsisaat decembarip aallaqqaataani 2006-imi atuutilissaaq.
Namminersornerulutik Oqartussat, ulloq 20. november 2006
Hans Enoksen/
Tommy Marų
Isumaliutissiissut (Aappassaaneerinninneq)