11. august 2006 2. februar 2006

UKA 2006/7 UKIU 2006/72

 

Tunngaviusumik atuarfiit namminersortitat angerlarsimaffimmilu atuartitaaneq il.il. pillugit Inatsisartut inatsisaata allanngortinnissaanut Inatsisartut inatsisissaattut nr. xx xx 2006-imeersutut siunnersuut.
(Atuarfiit illutaanik sananermi sanaartornermut taarsigassarsinissamut periarfissaq)

 

§ 1

Tunngaviusumik atuarfiit namminersortitat angerlarsimaffimmilu atuartitaaneq il.il. pillugit Inatsisartut inatsisaannut nr. 10 ulloq 15. april 2003-meersumi makku allannguutigineqassapput:

1. § 18, imm. 2 atorunnaarpoq.

2. §18 kingorna kapitali 5 ima oqaasertaqassaaq:
"18a. Tunngaviusumik atuarfiit namminersortitat atuarfiit illutassaannik sanaartornermut aningaasartuutissaasa katinnerisa 30%-iinik tunngaviusumik atuarfiit namminersortitat naalakkersuisut taarsigassarsitissavaat. Tunngaviusumik atuarfiit namminersortitat atuarfimmik sanaartornernermut aningaasartuutissaasa katinnerinisa 10%-iinik kommunalbestyrelsip taarsigassarsitissavaat.
Imm. 2. Imm. 1 naapertorlugu taarsigassarsisitsineq taamaallaat pisinnaavoq tunngaviusumik atuarfiup namminersortitap sanaartornermut aningaasartuutit katinnerisa 10%-iinik nammineq aningaasaliissuteqarpat.
Imm. 3. Sanaartornermi aningaasartuutit sinneri tunngaviusumik atuarfiup namminersortitap nammineerluni aningaasaliissuteqarfigissavai, soorlu aningaaserivimmit imaluunniit taarsigassarsisitsisarfimmit taarsigassarsinermigut.
Imm. 4. Imm. 1 malillugu taarsigassarsiat sanaartornerup naammassinerani tunniunneqassapput. Taarsigassarsineq illuutit qularnaveeqqusiunnerisigut qulakkeerneqassaaq, imm. 3-lu malillugu tunngaviusumik atuarfiup namminersortitap taarsigassarsereerneratigut qularnaveeqqusiunneqassallutik.
Imm. 5. Imm. 1 malillugu taarigassarsiat ukiuni 15-ini erniaalersorneqaratillu taarsersorneqassanngillat, taassumalu kingorna ukiut qulit ingerlanerini taasersukkat amerliartuaartutut erniaallu ikiliartuaartutut taarsersuineqassalluni, erniaalersuinermilu Nationalbankenip erniaalersuinera malinneqassaaq qaavatigut 3%-imik ilallugu.
Imm. 6. Taarsigassarsisitsisut allamik aalajangiinngippata, ima pisoqarneratigut taarsigassarsiat akileqquneqassapput taarsigassarsiat erniaavi taarsersukkallu akilersorneqanngippata, tunngaviusumillu atuarfiup namminersortitap kinguaattoorutini allakkatigut tunngaviusumik atuarfiup namminersortitap akileeqquneqarnerminit kingusinnerpaamik ullut 7-it qaangiunnerini akiliisimanngippagit, tunngaviusumik atuarfiup namminersortitap illuutit isumannaatsumik aserfallatsaaliunngippagit, paarinerluippat taamaalillunilu taarsigassarsisitsisut qularnaveeqqusiussaat ajortinneqarsimasut paasineqarpat, imaluunniit illuutit allanut tunineqarpata.
Imm. 7. Illut sanaartornerup nalaani sanaartorneq pilersaarusiornerlu pillugit inatsisit atuuttut malillugit kiisalu sanaartoriaatsimi ingerlatsinermilu najoqqutassanik eqquutsitsisut kisimik taarsigassarsissutigineqarsinnaapput.
Imm. 8. Imm. 1 malillugu taarsigassarsinissamik qinnuteqannginnermi tunngaviusumik atuarfik namminersortitaq nunaminertamik sanaartorfissamik kommunalbestyrelsimit tunineqareersimassaaq.
Imm. 9. Taarsigassarsinissaq aatsaat neriorsuutigineqarsinnaavoq sanaartornissamut pilersaarut aningaasaqarnerlu Naalakkersuisunit kommunalbestyrelsimillu nalilerneqarlutillu akuerineqareerpata, kiisalu tunngaviusumik atuarfik namminersortitaq sanaartornissamut aningaasartuutissat katinnerini nammineq aningaasartuutigisassani uppernarsaasioreersimappagit.
Imm. 10. Tunngaviusumik atuarfiit namminersortitat sanaartornissamut taarsigassarsiniarnissaat pillugu Naalakkersuisut malittarisassanik erseqqinnerusunik aalajangersaasinnaapput.

§ 18b. Tunngaviusumik atuarfiit namminersortitat aningaasaliissutissanut allanut aningaasartuutissaannut Naalakkersuisut kommunalbestyrelsilu tapiissuteqarsinnaapput taarsigassarsisitsisinnaallutillu.".

 

§ 2

Inatsisartut inatsisaata atuutilerfigissavaa ulloq 1. januari 2007.

Namminersornerullutik Oqartussat, ulloq xx. xxxxx 2006

Hans Enoksen

/

Doris Jakobsen